Kúmis kómeı ánshi qyzdaryńyz Janar Duǵalova Turkvisyon-2014 baıqaýynyń jeńimpazy atandy! Aıta ketelik, Turkvizyon – ekinshi ret ótkizilip otyrǵan jańa halyqaralyq mýzyka festıvali. Alǵash bul án baıqaýy Túrkıa memleketiniń Eskishahar qalasynda tusaýyn kesken bolatyn. Endi mine, bıylǵy baıqaýdy Tatarstan astanasy Qazan qalasy ótkizip otyr. Saıystyń erejesi boıynsha, dodaǵa qatysýshy ózi shyǵarǵan ándi týǵan tilinde oryndaýy tıis. Án baıqaýynda Qazaq eliniń namysyn qorǵaǵan Janar Duǵalova Turkvizyon-2014 sahnasyna «İzin kórem» ánin alyp shyqty. Bas júldege úmitker ánshilerdiń qatarynda bolǵan Janar endi , mine , jeńimpaz atanyp otyr. Esińizde bolsa, ánshi qyzymyz jartylaı fınalǵa birinshi nómirmen shyqqan bolatyn. Baıqaýdyń qorytyndy konsertin ashý qurmetine ıe bolǵan da edi. Túrk áleminiń 25 ókili kúresken jartylaı fınalda jerlesimiz 198 upaı jınap 3 orynǵa taban tiregen. Al, aqyrǵy aınalymda Janar Duǵalova 225 upaımen qarsylastaryn shań qaptyrdy. Tatar eliniń tórinde juldyzy janyp, jeńimpaz atandy. Qobaljydyq, qoryqtyq.. Alaıda, úmit aqtaldy! Qazaqtyń kóz janary – Janar Duǵalova , jarady!!!

Nazerke Toǵjanova "Qamshy silteıdi"