Investısıalar jáne damý mınıstri Jeńis Qasymbek metalýrgterdi merekesimen quttyqtady. Ol óziniń quttyqtaýyn áleýmettik jarıalady.

"Búgin ındýstrıa salasynyń qozǵaýshy kúshi, el ekonomıkasyndaǵy úlken mańyzǵa ıe salalardyń birinde ólsheýsiz qyzmet atqaryp kele jatqan Metalýrgterimizdiń kásibı merekesi. 
Taý-ken metalýrgıa salasy asqan tózimdilikti, kásibılikti, úlken jaýapkershilikti qajet etetin mamandyq bolǵandyqtan, sizderdiń qoǵam aldyndaǵy mártebelerińiz qashan da joǵary!
Memlekettik deńgeıdegi qoldaý men metalýrgterimizdiń tynymsyz eńbeginiń arqasynda TMK óndiris kóleminde ósý úrdisi baıqalatynyn aıtqym keledi. 2017 jyldyń alǵashqy jartyjyldyǵyndaǵy metal kenin óndirý kólemi 111,2%, temir kenin óndirý kólemi 108,5%, tústi metal kenin óndirý kólemi 111,9%, metalýrgıalyq ónerkásiptiń ónimin óndirý naqty kólem ındeksi 107,9%, negizgi asyl jáne tústi metalýrgıalyq ónerkásiptiń NIK-i 107,3%, qara metalýrgıalyq ónerkásiptiń NKI-i 109,1% qurady. Sondaı-aq, taý-ken metalýrgıalyq kompanıalar Memleket Basshysynyń bergen tapsyrmasyna sáıkes óndiristi qaıta jandandyrý baǵytynda úlken jumystar atqaryp jatyr. 
Qurmetti, metalýrgter! Sizderdi kásibı merekelerińizben shyn júrekten quttyqtaımyn. Metalýrgıa salasy – el ekonomıkasynyń basty kórsetkishteriniń birine aınalyp otyr. Dál osy baǵytta kóptegen jumys oryndarynyń ashylýy, jańa ınvestısıalyq jobalardyń qolǵa alynýy – sizderge degen memlekettiń zor seniminiń kórsetkishi. Óndiristi qaıta jandandyryp, buryn óndirilmegen ónimder shyǵaryp, joǵary suranysqa ıe ónim túrlerin arttyryp, el ıgiligi úshin qyzmet etý jolynda barshańyzǵa sarqylmas kúsh, qajymas qaırat tileımin. "