Memlekettik baǵdarlamanyń «Jeke turǵyn úı qurylysyn damytýdy qoldaý» dep atalatyn ekinshi baǵytyn júzege asyrý aıasynda bıyl turǵyn úı salatyn 60 myń jer ýchaskesin ınjenerlik-kommýnıkasıalyq jelimen qamtamasyz etý josparlanýda. Bul týraly búgin Qazaqstan Respýblıkasy Úkimetiniń otyrysynda Investısıalar jáne damý mınıstri Jeńis Qasymbek málimdedi.
«Tıisti jeliler tartylǵan eń kóp jer ýchaskelerin berýdi Mańǵystaý (15759 ýchaske) jáne Aqtóbe (11732 ýchaske) oblystarynyń ákimdikteri josparlap otyr. Jarty jyldyń qorytyndysy boıynsha 23,5 myń ýchaske ınjenerlik jelimen qamtamasyz etildi. Jeke turǵyn úı qurylysyna arnalǵan ýchaskelerdi jelilermen qamtamasyz etýge kózdelgen qarajattyń somasy 45,5 mlrd. teńgeni quraıdy»,-dep atap ótti mınıstr.
