Ońtústik Qazaqstan oblysy ákimdigi uıymdastyrǵan «Hakaton» hakerlik marafonynyń jeńimpazdary anyqtaldy dep habarlaıdy Qamshy.kz aqparat agenttigi OQO ákimdiginiń baspasóz qyzmetine silteme jasap. Shymkenttik ónertapqysh Qýanysh Rysqulov latyn qaripine kóshý kezinde kezdesetin qıyndyqty jeńetin ádisin usynyp, 1 mln. teńgeni qanjyǵasyna baılady.

Esterińizge sala keteıik, İT mamandary arasynda ótken konkýrs oblys ákimdiginiń uıymdastyrýymen osydan bir aı buryn jarıalanǵan bolatyn. «Hakaton» marafony Elbasy saıasatyn qoldaý maqsatynda qolǵa alynǵan joba.

Sharaǵa stýdentter, oqýshylar, jas ónertapqyshtar men túrli deńgeıli İT mamandardan quralǵan 50 adam qatysqan. Olardyń ishinen 8 İT mamannyń jobasy úzdik dep tanylǵan.

Qýanysh Tursynqululynyń aqparattyq tehnologıalar salasynda 8 jyldan beri eńbek etip keledi. Ol buǵan deıin birneshe kompúterlik baǵdarlamalar ázirlep, Almaty, Astana qalalaryndaǵy ótken respýblıkalyq dodalarda top jarǵan. Baıqaý qazylary Qýanyshtyń jobasyn der kezinde ázirlegen qajetti baǵdarlama dep tanypty.

Aldaǵy ýaqytta krılısıany latyn qaripine lezde aýystyratyn baǵdarlamaǵa qarjy bólip, keń kólemde qoldanysqa engizý josparlanyp jatyr. Uıymdastyrýshylar mundaı jobanyń aldaǵy ýaqytta jalǵasyn tabatynyn aıtady