Kez kelgenniń sanasyna oı tastaıtyn oqıǵa Vkontakte jelisinen alyndy.

Bir jas kelinshek dárigerge kelip: 

– Sizden kómek surap keldim. Meniń aıaǵym aýyr. Al balam bir jasqa da tolǵan joq. Ózimiz jas otbasymyz, bul balany týar bolsam, ekeýin birdeı qalaı asyraımyz dep ýaıymdaımyn. Sondyqtan abort jasatsam dep edim…- deıdi. Dáriger: 

– Mende jaqsy bir oı bar. Abort jasatsań densaýlyǵyńa zıan keltiretinińdi bilesiń ǵoı ıá? Onyń ústine aborttan soń múlde balaly bola almaýyń múmkin. Aqyry kómek surap kelgen ekensiń, bylaı isteıik. Eń durysy – bir jasqa tolmaǵan balańdy óltir… nemese…bir jerge tastap ket… áıteýir qutyl. Al ishtegi balańdy tý. Sonda densaýlyǵyńa da zıan kelmeıdi, eki balany birdeı qalaı asyraımyn demeısiń…dep jatyr edi kelinshek shoshyp ketip: 

– Siz ne aıtyp tursyz? Balańdy óltir degenińiz ne? Óz balamdy qalaı óltirmekpin? Netken tasbaýyr edińiz! – deıdi. Sonda dáriger: 

– Qursaǵyńdaǵy balany óltir degen óziń emes pe? Kómek surap kelgen soń bar bolǵany durys sheshimdi ǵana aıttym. Óz balańdy asyraı almaımyn dep qoryqqannan ómirin qıý – keshirilmes kúná, úlken qylmys. Ondaı aqymaqtyqqa eshýaqytta barýshy bolma, – dep jaýap beredi.