Almatynyń Baraholka bazarynda taǵy bir kishigirim olqylyqtyń beti ashyldy. Kishkentaı kezimizden súıip ishetin salqyn kójeni satyp almas buryn, onyń qalaı jasalǵandyǵyna kóńil bólgen durys, dep habarlaıdy Qamshy.kz aqparat agenttigi.

Baraholka bazarynda kóje satatyn Almaty turǵynynyń is-áreketine kýá bolǵan Lázzát Toqmoldaeva esimdi áleýmettik jeli qoldanýshysy óziniń jeke paraqshasynda kórgen oqıǵasy jaıynda post jazdy.

"Baraholka dárethanasyna kirip, mynandaı kózboıaýshylyqtyń kýási boldym. Bir apa qolyndaǵy úlken qol dorbasymen kirdi de, ishinen bir kishigirim dorbasyn shyǵaryp, ishindegi pisken arpalaryn bir shelekke saldy.Qaıter eken dep qarap qaldym.Álgi shelekke dárethanadaǵy qol jýatyn shúmekten, qolyndaǵy ojaýymen sý toltyra bastady. Sonan soń álgi shıki sý quıylǵan sýmen, arpany arly berli aralastyryp, ústine bótelkelerdegi aırandaryn quıdy. Sodan soń, álgi qol dorbasynan arnaıy muzdatylǵan bótelkedegi muzdaryn kir qojalaq bótelkesimen shelegine saldy da, álgi kójesin satýǵa shyǵyp ketti. Bul ne masqara. Birinshiden qaınatylmaǵan dárethananyń shıki sýy, ekinshiden syrty kir qojalaq bótelkedegi muz. Sonda bul qandaı kóje. Ony adamdar qyp qyzyl aqshasyna staqanyn 100 teńgeden alyp ishedi. Onyń ústine dárethana taza jer emes.Ondaǵy ishek qurt taıaqshalary adam aǵzasyna túsken soń, ne bolmaq?" - dep jazady jeli qoldanýshysy. 

Kóje satýshynyń bul isine qatysty áleýmettik jelide túrlishe pikirler bildirip jatyr. Biri "tirshiliktiń qamymen júr ǵoı" dep túsinistik bildirýde, degenmen Almaty turǵynynyń mundaı kójeni satyp jatqandyǵyna narazylyq bildirip, mundaı olqylyqtyń aldyn alý kerek degen pikirler kóptep kezdesedi.