Qazaqstan Respýblıkasynyń Prezıdenti

N.Á. Nazarbaevqa

Kóshirmesi: Qazaqstan Respýblıkasynyń

Premer-Mınıstri   K.Q. Másimovke

QR Senatynyń Tóraǵasy Q.K. Toqaevqa

QR Májilisiniń Tóraǵasy K.K. Jaqypovqa

QR Prezıdenti Ákimshiliginiń

Basshysy- QR Memlekettik hatshysynyń m.a.     N.Z. Nyǵmatýllınge

QR Ulttyq Bankiniń Tóraǵasy  Q.N. Kelimbetovke

Barlyq deńgeıdegi ákimderge, Astana jáne Almaty

Qalalarynyń ákimderine, Mınıstrlerge,

Agenttikterge, Komıtetterge, Quqyq qorǵaý

 qurylymdaryna, áskerı bólimshelerge,

QR Elshilerine, Parlament jáne maslıhat depýtattaryna,

QQA jáne dıasportalardyń mádenı ortalyqtaryna,

Shyǵarmashalyq odaqtarǵa, Ulttyq kompanıalar,

bankter, bıznes qurylymdary basshylaryna,

rektorlarǵa, mektepter men bala-baqshalar dırektorlaryna

                                                  Qurmetti Nursultan Ábishuly!

Ózińizge málim, «NurOtan», «Aqjol», «Azat» partıalary, «Samuryq-Qazyna» UÁQ» AQ, «Qazenerjı» qaýymdastyǵy, Qazaqstan halqy assambleıasy, QR Ulttyq Ǵylym akademıasy, QR Jazýshylar odaǵy, qarjygerler men kásipkerler qaýymdastyǵy, Halyqaralyq «Qazaq tili» qoǵamy, sondaı-aq Halyqaralyq adam ınstıtýty qurǵan Uıymdastyrý alqasy Úkimettik emes uıym retinde elimizde adam kapıtalyn damytý, postındýstrıaldy qoǵamǵa ótý jáne ıntellektýaldyq ult qalyptastyrý baǵdarlamasyn iske asyrýda.

Osy oraıda Táýelsizdik kúni Qazaqstan Respýblıkasynyń negizgi merekesi retinde memlekettik jáne demokratıalyq ınstıtýttardy damytý, El birligi men ultaralyq qatynastardy nyǵaıtýdaǵy sharalardy keshendi júrgizetin kezeń bolyp tabylady.

Bul merekeni el azamattarynyń otanshyldyq sezimin qalyptastyrýda, ulttyq rýh pen sanany kóterýde jáne osy arqyly memleketti nyǵaıtýda utymdy paıdalaný barshamyzǵa paryz. Alaıda Táýelsizdik kúnin atqarýshy jáne quqyq qorǵaý organdary, Ulttyq jáne sheteldik kompanıalar men birikken kásiporyndar, bala-baqsha, mektep-ýnıversıtetter, t.b. uıymdar tarapynan jyldaǵy atalyp ótilý deńgeıi kóńilden shyqpaı, Jańa jyldyq shyrsha - otbasylyq meıramnyń tasasynda qalýda.

Ol, adamzat pen ultymyzdyń asyl muraty – Táýelsizdik, Azattyq, Bostandyq uǵymdarynyń ózin qoǵam aldynda aıaqasty etip, «bodannan qul, quldan jetesiz ul týady» degenniń úlgisin kórsetedi.

Sondyqtan, bılik pen quqyq organdary tarapynan memlekettik ınstıtýttardy (til, din, moral, mádenıet, ıdeologıa...) damytýdaǵy atqarylǵan jumystardyń kóp jaǵdaılarda el múddesine kereǵar (sybaılas jemqorlyq, memlekettik tildi úırenbeý, jer asty baılyǵyn sheteldikterge berý, t.b.), júıeli jáne ári tabandy bolmaýynan keıbir aımaqtarda uıymdasqan ekstremıstik toptar bas kóterýde.

Biz, osy hattyń adresinde kórsetilgender men eldiń barlyq azamattaryna qoǵamnyń turaqty damýy men el birliginiń beriktigin qamtamasyz etý úshin negizgi atqaratyn sharalaryn memlekettik saıasat pen El múddesine saı júrgizýdi talap etemiz.

Elimizge bodandyqpen birge engen shyrsha jaǵý sıaqty sharany otbasynda sheshýge qaldyrýdy, nemese ony Batys elderinde qalyptasqan Rojdestvo meıramyna saı jeltoqsannyń ekinshi jartysyna qaldyrǵandy jón dep sanaımyz.

Prezıdenttiń el birligi, memlekettik til men memlekettigimizdi nyǵaıtý saıasatyna qatysty ustanymdaryn basshylyqqa ala otyryp, Táýelsizdik merekesin atap ótý aıasynda Uıymdastyrý alqasy búkil respýblıka sheginde jáne Qazaqstannyń elshilikterinde 28 qarashadan 18 jeltoqsanǵa deıin «Máńgi Qazaq eli» respýblıkalyq aksıasyn ótkizýdi usynady.

Usynylǵan jobany árbir múddeli oryndar talqylap, maquldanǵannan keıin bekitip, jaqsy deńgeıde atqaratyndaryna senemiz. Osy aksıanyń ótýine respýblıkalyq jáne jergilikti BAQ, telearnalar tikeleı atsalysady dep senemiz.

Mınıstrlikter ózderine qarasty qurylymdarǵa, Oblys ákimderi ózderine qarasta barlyq aýdan, mekeme basshylaryna jetkizýdi suraımyz.

Uıymdastyrý alqasynyń atynan

Halyqaralyq adam ınstıtýtynyń Prezıdenti     J. Ákim

Halyqaralyq «Qazaq tili» qoǵamynyń

prezıdenti,QR UǴA  akademıgi            Ó. Aıtbaıuly

 QR UǴA akademıgi, f.ǵ.d., profesor    Á. Qaıdar

 QR UǴA akademıgi, VASQNIL akademıgi,

Memlekettik syılyqtyń laýreaty, profesor          R. Eleshov

 QR UǴA akademıgi, f.ǵ.d., profesor                       S. Qırabaev

«Alash» UZO-nyń prezıdenti,

Halyqaralyq Áleýmettanýshylar

akademıasynyń akademıgi                                        H. Ǵabjalılov

«Prezıdent jáne halyq» gazetiniń

Bas redaktory, QR pedagogıka ǵylymdary

Akademıasynyń akademıgi, profesor                     M. Toqashbaev

 «Memlekettik tilge qurmet» QB tóraıymy               A. Osman