Álemge tanymal Qazaqstandyq ánshi Dımash Qudaıbergenov kezekti júldeniń ıegeri atandy, dep habarlaıdy Qamshy.kz aqparat agenttigi.

Dımash Qudaıbergenov Gonkongta ótken "Golden melody awards" saltanatty sharasynda «Jyldyń eń úzdik er ánshisi» ataǵyn jeńip aldy. Bul jaıynda ánshi óziniń áleýmettik jelidegi jeke paraqshasynda halqynan súıinshi surap habarlaǵan.

«Súıinshi! Búgin Gonkongta ótken "Golden melody awards" caltanatynda "Jyldyń úzdik er ánshisi" nomınasıasy boıynsha marapattaldym. Barsha tyńdarmandaryma kóp rahmet!» – dep jazady ánshi.

Dımash – Qytaıdaǵy eń úzdik jobalardyń biri «Men ánshimin» baıqaýynyń 2-shi oryn ıegeri. Óziniń erekshe talanty men daýysymen qysqa ǵana merzimde búkil álemge tanylyp kórermenniń kózaıymy jáne eldiń súıikti ánshisine aınala bilgen daryn ıesi.