Óńirlik komýnıkasıalar qyzmetinde ótken brıfıńte Jambyl oblys ákimdiginiń energetıka jáne turǵyn úı-kommýnaldyq sharýashylyq basqarmasy basshysynyń orynbasary M.S.Shákirov bilim berý mekemeleriniń 85% daıyn ekenin aıtty dep habarlaıdy  Qamshy.kz aqparat agenttigi.

Mamat Sádýulynyń aqparatynsha, josparǵa sáıkes, aǵymdaǵy jyldyń 18-shy mamyrynan 12-shi qazanyna deıin 6 shtab otyrysy josparlanǵan. Búgingi tańda 3 shtab otyrysy ótkizildi, onyń ishinde: Taraz qalasynda aǵymdaǵy jyly 25 sáýirde jáne 22 mamyrda eki shtab otyrysy, Jańatas qalasynda a.j. 15 maýsymda (Sarysý, Talas aýdandary boıynsha). Kezekti shtab jumysynyń otyrysy Shý jáne Moıynqum aýdandarynyń daıyndyǵy týraly Shý qalasynda ótedi.

Nysandardyń daıyndyǵy boıynsha:

– 795 bilim nysandarynyń 674 daıyn ıaǵnı  85%-dy quraıdy (jospar boıynsha 1 tamyzǵa deıin 80% bolý);

– 409 densaýlyq saqtaý boıynsha daıyny – 353 nemese 86%;

– 553 sport, áleýmettik-mádenı nysandardyń 460 daıyn nemese 83%.

– 1608 kópqabatty turǵyn úılerdiń, jóndeýge josparlanǵan 1475 onyń ishinde daıyny1122, nemese76%-dy quraıdy.

Sonymen qatar, búdjettik mekemeleri men kásiporyndar taraptarynan jylytý maýsymyna kelesi nysandary daıyndalýda:

– 463 qazandyqtarynyń daıyndyǵy 80%-dy qurap otyr (370 dana);

– 333,0 shaqyrym jylý jelileriniń 321 shaqyrymy daıyn - 97%;

– oblys boıynsha13709 shaqyrym 0,4 – 110kV elektr jelileri ornatylǵan, onyń ishinde aǵymdaǵy jyly1702 shm jóndeýge josparlanǵan, oryndalǵany 1263 shm nemese 74%quraıdy;

– barlyǵy 4548 shaqyrym gaz qubyrlarynyń 96,3 shm bıylǵy jylǵa jóndeý jumystary josparlanǵan, oryndalǵany 15,7 shm nemese 16%;

– jóndeýge josparlanǵan 20,0(barlyǵy 942,7)shaqyrym sý jelileriniń daıyndalǵany 12 shm, ıaǵnı 60%quraıdy;

– káriz jelileriniń daıyndyǵy 56%-dy qurap otyr (jospar – 6,45 shm, jóndelgeni  - 3,61 shm).

Bizdiń basqarma arqyly aǵymdaǵy jyly nysandardy jylytý maýsymyna daıyndaý úshin respýblıkalyq jáne jergilikti búdjetten 2017 jyly 33 jobany iske asyrýǵa 5 174 mln. teńge josparlanǵan.

Bilim berý, densaýlyq saqtaý, mádenıet jáne sport nysandaryna 5 mlrd. 289 mln. teńge qaralǵan:

– bilim berý nysandaryna – 3 mlrd. 815 mln.teńge;

– densaýlyq saqtaý nysandaryna – 1 mlrd. 171 mln.teńge;

– sport, áleýmettik - mádenı nysandaryn jóndeýge – 303,3. mln.teńge.      

Jergilikti ákimdikter men densaýlyq saqtaý, bilim basqarmalarynyń búdjettik mekemelerge josparlap otyrǵan qatty otyn kólemi – 69,9 myń tonna, jetkizilgeni 19,3 myń tonna, nemese 28%.tOblys turǵyndaryna qajetti kómirdiń kólemi 331,9 myń tonna, jetkizilgeni 30 tonna, nemese 9,2%.

Tapsyrys berýshi búdjettik mekemeler memlekettik satyp alý rásimderin ýaqtyly uıymdastyryp, 1-shi qyrkúıekke deıin qajetti otyndy qoımalarǵa jetkizýi tıis.  

Sonymen qatar kóppáterli turǵyn úılerge japsarlasyp nemese jertólede, ǵımarattyń birinshi qabatynda ornalasqan 76 úıde avtonomdy jylytý qazandary bar ekendigin anyqtaldy, – dep málimdedi Mamat Sádýuly.