GÝ «SOME KN MON RK» seısmıkalyq stansıalar júıesi 10 tamyz kúni tańǵy saǵat 6:10-da taǵy bir jer silkinisin tirkedi dep Qamshy.kz aqparat agenttigi SOME saıtyna silteme jasaı otyryp habarlaıdy.

Jer silkinisiniń epısentri Almaty qalasynyń soltústik-shyǵysynan 466 kılometr qashyqtyqta Qytaı aýmaǵynda oryn alǵan.

Jer silkinisiniń energetıkalyq klassy 10.0 bolsa, magnıtýdasy MPV 4.2 quraǵan.

Epısentr koordınattary boıynsha soltústik eni 44.21 °, shyǵys boıynda 82,52 ° bolǵan. Tereńdigi 10 shaqyrymdy qurady.

MSK-64 shkalasy boıynsha, ańdaý týraly aqparat joq.

Esterińizge sala ketsek, 9 tamyz kúni Almaty qalasynda oryn alǵan 4 baldyq jer silkinisinen keıin seısmologtar qarqyndy jumys isteýge kirisken. Mamandardyń aıtýynsha, kelesi aptada 3-4 baldyq jer silkinisi qaıtalanýy múmkin. Sol sebepti de qaýip deńgeıi jasyl tústen sary túske kóterilgen.