Ońtústik jáne Soltústik Amerıkanyń 17 memleketi Venesýela «Konstıtýsıayq assambleıasyn» moıyndaýdan bas tartty dep jazady Qamshy.kz aqparat agenttigi. Bul týraly jańa aımaqtyq bloktyń Syrtqy ister mınıstrleri birlesken otyrysynda habarlandy. Olardyń qataryna Kanada, Brazılıa, Argentına, Meksıka, Chılı, Kolýmbıa, Perý memleketteri enedi.

Perýdegi Lıma qalasynda ótken kezdesý barysynda Venesýeladaǵy «demokratıalyq tártiptiń qulaǵany» talqylandy.

Pres-konferensıanyń qorytyndysynda Perý SİM basshysy Rıkardo Lýna Venesýela prezıdenti Nıkolas Madýronyń júıesin dıktatýra dep sanady.

Memleketter men halyqaralyq uıymdar Venesýeladaǵy áleýmettik-ekonomıkalyq daǵdarysty eskerip, Madýronyń jaqtastarynyń bastaýymen qurylǵan «Konstıtýsıalyq assambleıany» prezıdenttiń ókimetti zańsyz tartyp alýy dep baǵalady.

8 tamyzda Venesýelanyń Karakas qalasynda ótken kezdesýde Nıkolas Madýrony ALBA aımaqtyq toby qoldaǵan.