Pentagon basshysy KHDR-ǵa halqyn qyryp tastaımyn dep eskertý jasady. «KHDR ıadrolyq baǵdarlamany jaýyp, óz halqynyń qyrylýyna alyp baratyn qadamnan bas tartýy kerek», - dep málimdedi Pentagon basshysy Djeıms Mettıs, dep habarlaıdy Qamshy.kz aqparat agenttigi Rıa novostı saıtyna silteme jasap.

Mettıs Soltústik Koreıa basshysy Kım Chen Ynǵa BUU Qaýipsizdik qyzmeti men memlekettiń «Phenán jahandyq qaýipsizdik pen turaqtylyqqa qaýip tóndirip tur» degen habarlamasyn nazarǵa alý qajet ekendigin jetkizdi.

«KHDR óz-ózin oqshaýlaýyn doǵaryp, ıadrolyq qarýdan bas tartýy qajet. Soltústik Koreıa óziniń rejıminiń aıaqtalýy men halqynyń qyrylýyna alyp keletin kez kelgen is-qımylyn toqtatý kerek», –deıdi Pentagon basshysy.

Sonymen qatar, Soltústik Koreıa ózi bastaǵan kez kelgen qaqtyǵysta jeńiliske jetetindigin senimmen aıtyp otyr.

«Qazirgi tańda AQSH-tyń áskerı kúshteri óte myqty, oqytylǵan jáne de senimdi qaýipsizdik qyzmeti bolyp tabylady», – deıdi ol.

Esterińizge sala ketsek, AQSH prezıdenti Donald Tramp Soltústik Koreıaǵa AQSH-qa qandaı da bir qaýip tóndirer bolsa, qatty ashýmen jáne otty shabýylmen jaýap beretindigin aıtyp eskertken bolatyn. Keıinnen Renhap agenttigi Soltústik Koreıa áskerleri Tynyq muhıtynyń batysynda ornalasqan Gýam aralyndaǵy AQSH áskerı bazasyna soqqy jasaýǵa daıyndyq júrgizip jatqandyǵyn habarlaǵan edi.

Ótken senbide BUU Qaýipsizdik keńesi KHDR-ǵa qarsy sanksıalardy qatańdatý jóninde sheshim qabyldady. Sanksıa avtory bolyp tabylatyn AQSH-tyń esebinshe, sanksıany Phenánǵa keletin jyldyq qarjy kólemin 3 mıllıard dollardan 1 mıllıard dollarǵa deıin qysqartady. Sonymen qatar, Vashıngton Soltústik Koreıanyń rejımin ózgertý qaýlysyna ózgeris engizýden bas tartty.