Germanıa bıligi aýǵan mıgranttaryn jappaı eline qaıtarý sheshiminen bas tartty. Syrtqy ister mınıstrligi jáne İshki ister mınıstrligi Aýǵanstandaǵy jaǵdaıdy qaıta qarap, ony "qaýipsiz elder" tiziminen shyǵardy dep habarlaıdy Qamshy.kz aqparat agenttigi Sentralasian.org saıtyna silteme jasap.
Osy ýaqytqa deıin Germanıa úkimeti Aýǵanstannyń qaýipsizdik jaǵdaıyn qanaǵattandyrarlyq dep baǵalap kelgen. Mundaı "qaýipsiz" elder qataryna Albanıa, Makedonıa, Chernogorıa jáne Serbıa kirgen. Bul elderdiń bosqyndaryn elderine qaıtarýmen aınalysqan.
Germanıa bıligi 10 myńǵa jýyq aýǵan mıgrantyn eline qaıtarýdy josparlaǵan. Ótken jyly qarashada osyndaı sheshim qabyldanǵan. Mamyr aıynda Kabýlda tirkelgen joıqyn jarylystan soń Aýǵanstandaǵy qaýipsizdik deńgeıi qaıtadan baǵalandy.
2016 jyly Germanıa 27 bosqyndy Aýǵanstanǵa qaıtarǵan, al 2015 jyly – 9 aýǵan bul elden baspana ala almady. Qazirgi tańda Germanıada 250 myńǵa jýyq aýǵan bar. Bul – Aýǵanstannan kóshken azamattardyń shamamen 5 paıyzy.
Pikir qaldyrý