Bul týraly Jambyl oblysynyń Óńirlik komýnıkasıalar qyzmetinde oblystyq tabıǵı resýrstar jáne tabıǵat paıdalanýdy retteý basqarmasynyń basshysy Qoıbaqov Serik Mamyrtaıuly aıtyp ótti dep habarlaıdy Qamshy.kz aqparat agenttigi.
Serik Mamyrtaıulynyń óz baıandamasynda, orman qory aýmaǵyndaǵy 614 orman paıdalanýshylarmen órtke qarsy kúres sharalaryn uıymdastyrý jóninde kelisimsharttar jasalyp, olardyń jaýapkershilikteri atap kórsetilip, joǵary talaptar qoıyldy.
2017 jyldyń 10 sáýir aıynan bastap Orman sharýashylyǵy jáne janýarlar dúnıesi komıtetiniń «Qazaq Avıasıalyq Orman Kúzetý» mekemesiniń 1 ushaǵy men 1 tikushaǵy arqyly oblys orman qorynyń 3,2 mıllıon gektary áýeden kúzetildi. «Ulttyq ǵarysh sapary» aksıonerlik qoǵamy arqyly oblystaǵy dala jáne orman órtteri baqylaýyna monıtorıń júrgizilýde. Aǵymdaǵy jyldyń 1 maýsymynan 20 qyrkúıegine deıin «Jeke tulǵalardyń memlekettik orman qory aýmaǵynda bolýyna tyıym salý týraly» Jambyl oblysy ákimdiginiń 2017 jylǵa qaýlysy qabyldandy. Oblys ákimdiginiń tótenshe jaǵdaılar komısıasynyń tóraǵasymen 2017 jyly 6 maýsymyndaǵy Qazaqstan Respýblıkasymen Qyrǵyz Respýblıkasynyń transshekaralyq aýmaqta, tabıǵı órtti sóndirýge sáıkes órt-taktıkalyq oqý-jattyǵý ótkizý boıynsha bekitilgen nusqaýlyǵyn basshylyqqa ala otyryp, aǵymdaǵy jyldyń 9 maýsymynda úlken kólemdi oqý-tájirıbelik jattyǵý ótkizildi. Oblystyq orman qory jerinde 4 orman órti 11275 ga jerde tirkelindi. Aǵymdaǵy jyldyń 23 maýsym kúni saǵat 1009 Qosqudyq orman sharýashylyǵy memlekettik mekemesiniń orman qorynda naızaǵaıdyń áserinen orman órti baıqaldy. Aýa-raıynyń ystyǵy +39 gradýs jáne jeldiń jyldamdyǵy 23-25 m/s bolǵandyqtan orman órti úlken kólemge ulǵaıyp, Moıynqum memlekettik mekemesiniń jerine kirdi. Órt óshirýge 121 adam, 28 tehnıka , onyń ishinde 12 traktor soqasymen qatysty. Órt 24 maýsym saǵat 0400 oqshaýlandy (lokalızovano). 26 maýsym 2017 jyly saǵat 19-00 tolyǵymen joıyldy. Órttiń úlken kólemge ulǵaıýy: aýa raıynyń ystyqtyǵy, jeldiń qatty turýy, radıobaılanystyń tómen deńgeıi jáne aýdan kóleminde kómektesken tehnıkanyń (traktor soqasymen) azdyǵy.
Búgingi tańda Moıynqum, Qosqudyq, Jýaly jáne Baızaq aýdandarynda oryn alǵan órtke qyzmettik tekserý materıaldary ishki ister organdaryna jiberildi. Orman qorynda órt jibergen úshin Qosqudyq memlekettik mekemesiniń dırektory N. Nurmoldaevqa, Jýaly memlekettik mekemesiniń dırektory A. Mýrtazaevqa qatań sógis, Baızaq memlekettik mekemesi dırektorynyń m. a. Q. Jasuzaqovqa jáne Moıynqum memlekettik mekemesi dırektorynyń m. a. K. Abaıǵa sógis berildi.
Qazirgi tańda basqarmaǵa qarasty memlekettik mekemelerdiń mamandary orman qoryna órt jibermeý maqsatynda táýlik boıy kezekshilik uıymdastyrylyp, tıisti is-sharalar jasalynyp jumys atqarylýda.
Órt qaýipsizdik is-sharalarynyń oryndalýy basqarmanyń turaqty nazarynda jáne baqylaýynda, – dep aıtty basqarma basshysy Serik Mamyrtaıuly.
Pikir qaldyrý