2017 jylǵy 10 tamyz, beısenbi kúni Astanada Túrkıa ulttyq kúni atalyp ótedi. Bul kúni EKSPO kórmesiniń aýmaǵy qyzyl jáne aq tústerge boıalyp, túrik halqynyń baı mádenıetiniń lebi seziletin bolady dep habarlaıdy Qamshy.kz aqparat agenttigi EKSPO-2017 halyqaralyq kórmesiniń Medıa-Ortalyǵynyń resmı saıtyna silteme jasaı otyryp.

Túrkıa ulttyq kúniniń saltanatty ashylý rásimine Túrkıa Respýblıkasynyń Ekonomıka mınıstri Nıhat Zeıbekdjı myrza jáne Qazaqstan Respýblıkasynyń Investısıalar jáne damý mınıstri Qasymbek Jeńis Mahmuduly qatysady.

Túrkıa «Astana EKSPO 2017» kórmesiniń dástúrine aınalǵan jáne barlyq qatysýshy memleketter úshin ótkiziletin ulttyq kúnge qatysýǵa daıyn.

Qazaqstan men basqa da qatysýshy elder ókilderiniń qatysýymen ótetin dástúrli túrik tańǵy asynan keıin EKSPO ulttyq sahnasynda saǵat 11.00-de ótkiziletin ashylý saltanatymen birge, Túrkıa pavılonynda jáne jalpy EKSPO kórmesinde túrli is-sharalar jalǵasyn tabatyn bolady. Ashylý saltanatynda Túrkıa Respýblıkasy jáne Qazaqstan Respýblıkasynyń atynan qatysyp otyrǵan mınıstrler, memlekettik qyzmetkerler, basqa elderdiń ókilderi, kásipkerler jáne BAQ ókilderi qatysatyn bolady. Eki eldiń ánurany aıtylǵannan keıin, Túrkıa Respýblıkasynyń Ekonomıka mınıstri Nıhat Zeıbekdjı myrza jáne Qazaqstan Respýblıkasynyń Investısıalar jáne damý mınıstri Qasymbek Jeńis Mahmuduly ashylý saltanatyna baılanysty sóz sóıleıtin bolady.

Ashylý saltanatynan keıin, Veısel Chelıkdemır halqymyzdyń qundylyqtaryn pash etetin qum shoýymen sahnada óner kórsetedi. Al, «Anatolıa ottary» bı toby «Horon» bıin bılep, osy arqyly Anatolıa halqynyń baı mádenıeti men kúsh-qýatyn kórsetetin bolady.

Ashylý saltanatynyń sońynda, «Mehteran» Túrik áskerı orkestiriniń parady ótedi. Kórermenderge myńdaǵan gúl shoqtary men Túrkıa jalaýshalary berilip, EKSPO kórmesiniń aýmaǵy qyzyl jáne aq tústerge boıalady.

Kúni boıy ótetin osy is-sharalardyń sheńberinde, Expo EnergyHall sahnasynda saǵat 17:00-de túrik óner maıtalmandary qonaqtardy óz ónerlerimen tamsandyratyn bolady. Profesor Erol Parlak jáne Sınan Aııyldyzdyń oryndaýynda halyq ánderi shyrqalady. Atalmysh is-shara Qazaqstan tyńdarmandaryna tanymal ánshi Býraktyń konsertimen jalǵasatyn bolady.

Energy Hall sahnasyndaǵy konsert, «Anatolıa ottary» bı tobynyń keremet bılerimen támamdalatyn bolady.

Taýsylmaıtyn energıa

«Astana EKSPO 2017» sahnalary men aýmaǵyndaǵy konsertterden bólek, Túrkıa pavılonynda da birqatar is-sharalar ótkiziledi. Kelgen qonaqtar pavılonnyń ishinde jáne syrtynda bolyp jatqan is-sharalarǵa qatysa alady, sondaı-aq áser, bı jáne ánderge toly uzaq ýaqyt boıy umytylmaıtyn kún ótkizip, túrik qolóner sheberleriniń týyndylarymen tanysyp, osy kúnge oraı daıyndalǵan syılyqtarǵa ıe bolyp, túrik dámdi taǵamdarynan aýyz tıetin bolady.

Túrik eksporttaýshylarynyń qoldaýymen qonaqtarǵa jańǵaqtar, keptirilgen jemister, baklava, rahatlýkým, kámpıt, balmuzdaq, unnan jasalǵan kondıterlik ónimder, apelsınnen jasalǵan sýsyndar, makaron ónimderi, býlgýr jáne záıtún maıy negizindegi daıyndalǵan taǵamdar usynylady.

Óte úlken tosyn syı: Jaýjúrek Ertuǵyryl – Túrkıa pavılonynda...

Shetelde de, Qazaqstanda da kórermenderdiń zor yqylasyna bólengen «Ertuǵryl» telehıkaıasynyń tabysty akterleri Nýrettın Sonmez (Bamsy Beırek), Djengız Djoshkýn (Týrgýt Alp) jáne prodúser Mehmet Bozdag, Túrkıa pavılonynyń kórermenderimen kezdesip, ıntervú barysynda kórermenderdiń barlyǵyna óz qoltańbasyn qaldyratyn bolady.