Halyqaralyq kórmeni sátti ótkizýine ákimdik janynda EXPO kórmesine daıyndyq boıynsha úılesimdi áreketter men úlken daıyndyq jumysy septigin tıgizdi dep habarlaıdy Qamshy.kz  aqparat agenttigi Astana ákimdiginiń baspasóz qyzmetine silteme jasaı otyryp.

Qalanyń ákimdigimen kórme aıasynda uıymdastyrylǵan sharalar belgilengen ári bekitilgen ýaqytqa sáıkes ótkizildi.

Shtabtyń jumysy negizgi 5 baǵyt boıynsha uıymdastyryldy:

• Qurylys nysandarynyń ýaqytyly paıdalanýǵa berilýin qamtamasyz etý;
• Kólik jáne ınjenerlik ınfraqurylymdy paıdalanýǵa berýmen qamsyzdandyrý;
• Týrıserdi qabyldaýǵa kásiporyndardy daıyndaý;
• Qalany merekelik stılde bezendirý;
• Sporttyq-buqaralyq sharalardy ótkizý;
• Qoǵamdyq kólik qozǵalysynyń jáne logıstıka kestesin ázirleý;
• Qajetti azyq-túlik ónimderimen qamtamasyz etý;
• Elge kelgen týrıserdiń qaýipsizdigin qamtamasyz etý úshin jaǵdaı jasaý.  

«Búginde qalanyń barlyq qyzmetteri kólik qyzmeti, qaýipsizdikti qamtamasyz etý, medısınalyq járdem kórsetý, týrısik qyzmetter syndy barlyq salalardy qamtıtyn keshendi josparlar men is-áreketter aıasynda kúsheıtilgen rejımde jumys isteýde», –  dedi qala basshylyǵy.

Týrızm

Kórme ashylǵannan beri elordaǵa 2,1 mln.-nan astam adam keldi, olardyń 1,4 mln. adamy – týrıser. Temirjol vokzaldarynyń júktemesi 60 paıyzdy quraıdy, áýejaıdyń júktemesi – 70 paıyz, týroperatorlardyń qyzmetine suranys 78 paıyzǵa artty.

6 aqparattyq dúńgeshikter qurylǵan, olar óz aldyna qajetti qyzmet kórsetýde, atap aıtqanda 3 tilde jazylǵan aqparattyq jadynamalardy usynady. Týrısik Welcometoastana ınternet-portalynyń qoldanýshylar sany eki aı ishinde 20 myńǵa jetti, saıtqa kirý kórsetkishi 75 myńdy quraıdy.

Elordanyń tirshilik áreketin úzdiksiz qamtamasyz etý úshin jáne shtattan tys oqıǵalarǵa áreket etý boıynsha jedel sheshim qabyldaý maqsatynda Astana qalasy ákimdiginiń jaǵdaıattar ortalyǵy quryldy. Ornatylǵan beınekameralar elordadaǵy qylmysty tómendetýge septigin tıgizdi.

Azyq-túlikpen qamtamasyz etý

Qoldanystaǵy normaǵa sáıkes elordada azyq-túlik tutyný kólemi kúnine 1500 tonna azyq-túlik ónimin quraıdy. Kórmege qonaqtardyń kóptep kelýine baılanysty azyq-túlik ónimderin tutyný 20-30 paıyzǵa artty.

Osyǵan baılanysty baǵany turaqtandyrýda jańa tetikter qabyldanyp, qalaǵa azyq-túlik ónimderin kóptep jetkizýde birqatar sharalar qabyndandy.  

Azyq-túlik ónimderine baǵany bekitý maqsatynda «Astana-ÁKK» UK» AQ arqyly «Keńmart» SO jáne «Astyqjan» SO-na 300 mln teńge kóleminde nesıe berildi. Qazir bul nysandar aǵymdaǵy jyldyń sońyna deıin taýardyń 10 sanaty boıynsha azyq-túliktiń 49 túrine baǵany bekitti.

Qabyldanyp otyrǵan barlyq sharalar azyq-túlik ónimine degen suranystyń 30 paıyzdan 80 paıyzǵa artýyna qaramastan baǵanyń óspeýine kómektesti.

Kólik

EXPO-2017 halyqaralyq kórmesin ótkizý úshin jol-kólik ınfraqurylymyn daıyndaý aıasynda 23,4 shaqyrymdyq 11 kóshe salynyp, 17,6 shaqyrymdyq jolǵa jóndeý jumystary júrgizildi. Kórme aýmaǵynda jylýmen jáne elektr qýatymen qamtamasyz etý úshin 50,2 shaqyrymdyq jylytý júıesi, 25 585 shaqyrym elektr jelisi jáne elektrmen jabdyqtaýdyń 3 nysany salyndy, «Jańa jol»QS qaıta quryldy. Jańa tazalaý qurylǵylary men jańbyr káriz júıesiniń qurylǵylary (kolektorlary) paıdalanýǵa berildi.

Oǵan qosa qoǵamdyq kóliktiń qozǵalys júıesin jańǵyrtý boıynsha elordada kórme aıasynda 7 qosymsha Shuttle Bus marshrýttary iske qosyldy. Olar EKSPO kórmesin qalanyń shet jaqta ornalasqan shalǵaıdaǵy aýdandarymen baılanystyrady. Josparlanyp otyrǵan jolaýshylar aǵynyna sáıkes, kúnine 55 myń jolaýshy esebinde avtobýstardyń sany 142 qoǵamdyq kólikti qurady. Astana qalasynyń negizgi 12 kóshesinde 37,55 shaqyrymdyq Bus Lane arnaıy jolaǵy engizildi.

Qaýipsizdik

Aǵymdaǵy jyldyń 7 aı qortyndysy boıynsha tirkelgen qylmys sany 19,3%-ǵa tómendedi. Jalpy barlyq túrleri boıynsha azaıý baıqalady. Qoldanylǵan sharalardyń arqasynda qylmystyń barlyq sanaty boıynsha ashý deńgeıi jaqsardy. 

Bos ýaqytty uıymdastyrý

Astana ákimdigi tarapynan EHRO-2017 kórmesin ótkizý kezinde ártúrli format pen janrdaǵy 647 mádenı sharalardy ótkizý josparlanǵan. 10 maýsymnan osy ýaqytqa deıin 51 iri jáne mańyzdy sharalar ótti.

Kásipkerlik

2017 jyldyń maýsym-shilde aılaryna elordanyń meıramhanalarynan, qonaq úılerinen, qoǵamdaq tamaqtaný oryndarynan salyq túsimi artqan jáne ol 462 mln.teńgege jetken, bul ótken jyldyń osy kezeńimen salystyrǵanda 1,2 ese nemese 105 mln. teńgege kóp.

Buǵan qosa, kásipkerliktiń damý kórsetkishteri de ósken. 6 aı ishinde tirkelgen kásipkerlik sýbektileri 143 084 birlikti qurady, bul 2016 jyldyń osy kezeńimen salystyrǵanda 10,4%-ǵa artyq. 2017 jyldyń 1 shildesine áreket etýshi SHOB sýbektisiniń sany 96 242 birlikke jetti. 

Medısına

Sapaly medısınalyq qyzmet kórsetý boıynsha jedel shtab quryldy. Kórme aýmaǵynda 7 medısınalyq pýnkti men medısınalyq ortalyq ornalasqan. Qala boıynsha 7 qalalyq medısınalyq mekeme jáne 7 respýblıkalyq klınıka daıyndalǵan. Jańa ortalyq jedel járdem stansıasy salyndy. 

Jas týrıser

10 maýsymnan 2 tamyz aralyǵynda kórmeni 12 095 elordalyq oqýshy ata-analarymen jáne 14 oblys pen Almatydan 45859 oqýshy kelip tamashalady. Olardyń kelý kezeńinde – kútip alý, turatyn jerlerine deıin jetkizý, kórmege deıin jetkizý, ekskýrsıalar men keri qaıtarý arnaıy bólingen jaıly avtobýstarmen, jol polısıasynyń shyǵaryp salýymen ortalyqtandyrylǵan jetkizýmen qamtamasyz etildi. Aımaqtardan kelgen oqýshylardy tamaqtandyrý jataqhanalardaǵy eki asqanada jáne jaqyn mańdaǵy 4 mekteptiń asqanasynda qarastyrylǵan.

Eriktiler

Ulttyq kompanıanyń eriktilerinen bólek, kúndelikti 510 qalalyq eriktiler jumysy uıymdastyrylǵan. Kún saıyn olar sharalardy ótkizýge jáne áýejaılar men vokzaldarda kútip alý mindetterin atqardy. Barlyǵy shetel tilderin meńgergen. Qalalyq eriktiler shtaby qurylǵan.