Shymkent qalasynda qytaılyq kompanıa basshylary ózderiniń quzyrettilikterin asyra paıdalanyp, qazaq qyzdaryn qytaı azamattaryna turmysqa shyǵýǵa májbúrleýde, dep habarlaıdy Qamshy.kz aqparat agenttigi.

Bul jaıynda áleýmettik jeli qoldanýshysy Erjan Qaldybaev óziniń  Facebook jelisindegi jeke paraqshasynda birneshe dáleldi mysal keltire otyryp habarlady. 

«Búgin bir tanysymmen áńgime barysynda sumdyq jańalyqty estidim. Shymkenttegi Munaı óndirý zaýytynyń (MÓZ) basshylary qytaı azamattary bolyp tabylady. Solar ózderiniń qolastynda jumys isteıtin qazaq qyzdaryna úılenip jatyr eken. Tipti, olardyń kelisiminsiz májbúrlep jatqan kórinedi.  

Naqty dálelim bar: Sozaq aýdanynyń bir boıjetkeni sol MÓZ-de jumys isteıdi. Sol qyz jaqyn arada qytaıdyń bir er adamyna turmysqa shyǵaıyn dep jatyr eken. Toı kúnin de belgilep qoıypty. Al qytaılyq kúıeý jigit alǵys retinde qyzdyń ákesin, ıaǵnı óziniń bolashaq qaıyn atasyn sol kompanıaǵa jumysqa turǵyzypty.  Bul jaǵdaılar eshbir ý-shýsyz oryn alýda.

Taǵy bir jaǵdaıdy aıtar bolsaq, bir kúni túngi saǵat úshte Shymkenttegi Munaı óndirý zaýytyna 25 avtobýspen qytaılyq jumyskerlerdi alyp kelipti. Olardyń jalpy sany 1300 qytaı. Nege túngi 3-te?..» - dep jazady áleýmettik jeli qoldanýshysy. 

Sonymen qatar, elimizdiń bolashaǵyna alańdaýshylyq bildirgen Erjan Qaldybaev: «Qazaqstan Úkimetinen úlken úmit kútemiz. Osyndaı jaıttardy bilip otyrǵanymyz artyq bolmaıdy, óıtkeni qytaılar úshin jerdi qalaı bolǵanda da latentti ekspansıa arqyly ıelený kerek ekenin umytpaıyq. Sanaly aqylǵa salyp birge oılanaıyq», - dep óz oıyn túıindeıdi. 

Iá, rasymen de jerimizdi qara qytaı qaptasa ne bolmaq? Bul qazirgi tańda árbir adamdy oılandyryp, tolǵandyryp júrgen saýal bolyp tabylady.