Soltústik Koreıa tarapynan tóngen ıadrolyq qaýipten Japonıa turǵyndary jerasty býnkerlerin jappaı satyp alýdy bastaǵan dep habarlaıdy Laıf.rý-ǵa silteme berip Qamshy.kz aqparat agenttigi. Vice portalynyń málimetinshe, naýryz aıynan beri osyndaı quraldardy jasap shyǵaratyn Oribe Seiki Seisakusho kompanıasynyń satylymy úsh esege kóbeıgen.

Atalǵan kompanıa mundaı jabdyqtardy shyǵarýmen 30 jyldan beri aınalysyp keledi. Alaıda dál qazirgi ýaqytta oqys jaǵdaılardyń oryn alýyna baılanysty osy ónimge suranys birshama artqan. Kompanıa jumysshylary qoımany osy taýarlarmen qamtamasyz etip úlgermeı jatqandyǵyn aıtady.

«Mundaı býnkerlerdi jasap shyǵarý úshin kóp qarajat pen uzaq ýaqyt kerek. Alaıda qazirgi ýaqytta klıenterden estıtinimiz bir ǵana nárse – osy jabdyqty dál qazir taýyp berý», – deıdi kompanıa ókilderiniń biri.

Laıf.rý-dyń jazýyna qaraǵanda, KHDR AQSH áskerı bazasy ornalasqan Gýam aralyna soqqy berý jospary bar ekenin aıtqan.