Búgin Ortalyq komýnıkasıalar qyzmetinde QR Bilim jáne ǵylym vıse-mınıstri Bıbigúl Asylovanyń qatysýymen baspasóz konferensıasynda oqý granttarynyń ıegerleri belgili boldy. Ótken oqý jylymen salystyrǵanda bakalavrıat 6230 orynǵa kóbeıgen.  2017-2018 oqý jylyna 37 932 bilim granty berilgen dep habarlaıdy Qamshy.kz aqparat agenttigi.   

Onyń ishinde, 35 082 grant 1 kýrsqa qabyldaý úshin (kúndizgi oqý nysany boıynsha – 34 782, syrttaı oqý nysany boıynsha – 300 grant), 2850 oryn – joǵary oqý oryndarynyń daıyndyq bólimderi úshin bólindi. Komısıanyń quramyna memlekettik organdardyń, «Atameken» Qazaqstan Respýblıkasy Ulttyq kásipkerler palatasynyń, Joǵary oqý oryndary qaýymdastyǵynyń, qyzmetkerlerdiń kásiptik odaǵynyń ókilderi jáne joǵary oqý oryndarynyń rektorlary engizildi,- dedi vıse-mınıstr.   

Bilim grantyn taǵaıyndaý konkýrsyna 63 169 talapker qatysqan. Onyń ishinde 49 858 adam  – qazaq tilindegi oqý bólimine, 13 311 adam – orys tilindegi oqý bólimine tapsyrǵan.

«Máńgilik el jastary – ındýstrıaǵa!» jobasy sheńberinde kvota boıynsha oqýǵa 9 148 adam konkýrsqa qatysty.