Qarasaı aýdanynyń ákimshiligi Almaty oblysynda apatqa ushyraǵan ushaqta qaza tapqan azamattardyń esimin atady dep habarlaıdy Qamshy.kz aqparat agenttigi.

Qarasaı aýdany ákiminiń orynbasary Nurjan Satybekov apatqa ushyraǵan «Tehnam 2002» ushaǵynda 2 adam bolǵanyn málimdegen.

«Olar 1977 jylǵy nusqaýshy S. P. Kýrchenko jáne 1996 jylǵy kýrsant E. Ábishev. Kýrchenko Ýkraına azamaty bolýy múmkin degen boljamdar bar. Naqty aqparat áli de anyqtalýda. Tekserý jumystary jalǵasyp jatyr. Oqıǵa ornynda polıseı qyzmetkerleri, órt sóndirýshiler, qutqarýshylar jumys istep jatyr», – dedi Nurjan Satybekov.

Aıta keteıik, búgin tańǵy saǵat 09:53-te Azem aerodromynyń aımaǵyna «Tehnam 2002» ushaǵy qulady. Áýe kemesi azamattyq avıasıa komıtetine tıesili.