2017 jylǵy 11 tamyzda saǵat 11:00-de Qazaqstan Respýblıkasy Tuńǵysh Prezıdenti - Elbasy Qorynyń bastamasy boıynsha ótkizilgen «Method PRO» jobasy boıynsha eki aptalyq İT-taǵylymdamanyń qorytyndysy jasalady dep habarlaıdy Qamshy.kz aqparat agenttigi.

«Method PRO» jobasy –  Qazaqstannyń İT-ındýstrıasyn damytýǵa baǵyttalǵan elimizdiń daryndy jastaryna arnalǵan arnaıy kásibı bilim berý platformasy.

Jobany iske asyrý barysynda 100 daryndy stýdentke arnalǵan otandyq jáne sheteldik mamandardyń mobıldi jáne veb-ázirlemeleri, mashınalyq oqytý jáne Vig Data, marketıń jáne bıznes-taldaýdy qoldaný jóninde semınarlar ótkizdi. Jobany iske asyrý barysynda oǵan qatysýshylar elordanyń iri kompanıalary jáne kásiporyndarynda taǵylymdamadan ótti, onyń nátıjesinde qatysýshylar «Qazposhta», «Kazatomprom», Bas prokýratýra jáne t.b. úshin sheshim-jobalaryn ázirledi.

Erteń Nazarbaev Ortalyǵynyń alańynda joǵaryda atalǵan kompanıalardyń İT-baǵdarlamalary jáne bıznes-usynystaryn engizý jónindegi jumystary kórsetiledi.

«Qazposhta» AQ úshin usynylatyn joba – jasandy ıntelektige negizdelgen jáne paıdalanýshylarǵa qyzmet kórsetý sapasyn jaqsartýǵa múmkindik beretin júıe.

«Kazatomprom» AQ úshin usynylatyn joba – ken oryndarynan ýrandy óndirgen kezde kenishterdi sıfrlaýǵa múmkindik beretin sıfrlyq kenish júıesi.

Bas prokýratýraǵa arnalǵan joba – «Belsendi azamat» mobıldi qosymshasy. Qylmystyń monıtorıńisin júrgizýge, onlaın rejıminde shaǵym jáne ótinish jasaýǵa múmkindik beretin júıe.

Tusaýkeserge QR Tuńǵysh Prezıdenti - Elbasy Qorynyń atqarýshy dırektory Qanat Jumabaev, AQSH-tyń QR-daǵy elshisi Djordj Krol, jobany birlesip uıymdastyrýshy Dagar Davletov, «Zerde» ulttyq aqparattyq komýnıkasıalyq holdıńisi basqarmasynyń tóraǵasy Rýslan Eńsebaev, «Qazposhta»AQ-ynyń ınovasıalar jáne aqparattyq tehnologıalar jónindegi basqarýshy dırektory Narıman Muqyshev.

QR Tuńǵysh Prezıdenti – Elbasy Qorynyń atqarýshy dırektory Qanat Jumabaev: «Qordyń uıymdastyryp otyrǵan jobalary –  adamı kapıtalǵa degen salym, olar Qazaqstan jastarynyń jeke dara, kásibı jáne rýhanı damýyna yqpal etedi. Jastarǵa salynǵan búgingi ınvestısıalar memlekettiń progresine salynǵan ınvestısıalar bolyp tabylady», –  dep atap ótti.