Birinshi synypqa arnalǵan mektep baǵdarlamasy ótken jyly engizilgen jańartylǵan mazmunda júrgiziledi.

Birinshi synyp oqýshylaryn 95 jalpy bilim beretin mektep qabyldaýǵa daıyn. Astana qalasynyń bilim basqarmasynyń málimetinshe, elordada oqýshylar orny jetispeýshiligi bolýy múmkin.

Osyǵan baılanysty, qazir mektepterge qosymsha nysandar salý qurylysy aıaqtalýda. Olardy paıdalnýǵa 2017-2018 oqý jylynyń basynda berý josparlanǵan. Búgingi tańda 6 mektep qurylysy bastaldy. Jyl sońyna deıin taǵy 4 bilim ordasynyń qurylysy bastalady, - dep málimdedi Astana qalasy bilim basqarmasy basshysynyń m.a.Ánýar Janǵozın. 

Byltyrǵy oqý jylynda jalpy bilim berý mektepteriniń 1 synyptary jańartylǵan bilim mazmunyna kóshti.

-Kóshý birinshi kezekte ustazdar úshin ońaı bolǵan joq. Jańartylǵan mazmun sabaq berý tásilin ózgertýdi talap etti. Ár sabaqta pedagogtar krıtıkalyq jáne saraptamalyq oılaýdy damytýǵa baǵyttaý tehnologıalaryn qoldaný kerek. Eń mańyzdy quram krıterıalyq baǵalaý júıesi bolady, ol bilim mekemesiniń ashyqtyǵyn qamatamsyz etýge múmkindik beredi. Bilim berýdiń jańartylǵan mazmunyn júzege asyrý úshin qalalyq muǵalimder keńesi quryldy, - dedi Ánýar Janǵozın. 

2017-2018 oqý jylynda 1, 2, 5, 7 synyptardaǵy jańartylǵan baǵdarlama boıynsha 4149 muǵalim jumys isteıdi. Pedagogtardyń 75 paıyzy oqytýdan ótken. Taǵy 156 bastaýysh synyptardyń ustazdary jáne 787 pán muǵalimderi 2017 jyldyń sońyna deıin kýrstan ótedi. 25 mektepte qazaq, orys, aǵylshyn tilderinde kóptildilik oqytý engizilgen, 99 ustaz jaratylystaný-matematıka pánderin aǵylshyn tilinde oqytýdy sátti júzege asyrýda, 19 mektepte eki shet tilin oqytý engizildi.