«Nurly jol» ınfraqurylymdy damytý baǵdarlamasy elimizdiń uzaq merzimdi ekonomıkalyq damý múmkindigin qamtamasyz etýdi kózdeıdi dep habarlaıdy Qamshy.kz aqparat agenttigi 24.kz-ke silteme berip.

Otandyq bıznestiń eksportqa baǵyttalǵan jobalaryn qoldaý da baǵdarlamadaǵy basym baǵyttardyń biri. Máselen, Oraldaǵy 3 jyl buryn ashylǵan transformator qurastyrý zaýyty óz óniminiń 95 paıyzyn shet elderge eksporttap otyr. Transformator zaýyty Indýstrıalandyrýdyń alǵashqy besjyldyǵyna jatatyn aımaqtaǵy ınovasıalyq jobalardyń birinen sanalady. Byltyr kásiporyn Sibir, Qyrym, Ekaterınbýrg jáne Saratov qalalaryna 4 myń dana kúshtik transformator jóneltti. Kórshiles oblystardan da tapsyrystar jıi túsedi. Teńiz jáne Qarashyǵanaq sekildi qazba baılyǵyn ıgerýshi iri kompanıalarmen kelisimsharttarǵa qol qoıylǵan.