"AQSH-taǵy prezıdent saılaýyna reseılikter aralasty" dep aqparat taratqan amerıkalyq BAQ Máskeý men Vashıngton qarym-qatynasynyń arasyna syzat túsirgeni úshin jaýapty dep habarlaıdy Qamshy.kz aqparat agenttigi Rıa novostı saıtyna silteme jasaı otyryp. Bul jaıynda jergilikti The Nation basylymynda arnaıy maqala jaryq kórdi.

Maqala avtorynyń aıtýynsha, eki el arasyndaǵy arazdyqqa birde-bir jýrnalıs qarsylyq bildirmegen. Sonymen qatar, Máskeýge qarsy barlyǵy biraýyzdan kelisim bildirgen kongresmender arasynda da bul jaǵdaıǵa qarsylyq bildirýshiler tabylmaǵan.

Amerıkalyq basylym betterinde jaryq kórip jatqan eki el arasyndaǵy jańa soǵysqa baılanysty maqalalarda tek Reseı kináli dep beriledi. Olardyń materıaldarynda AQSH saıasatynyń osal tustary kórinbeıdi. Sol sebepti de Reseı-AQSH qarym-qatynasynyń buzylýyna tikeleı BAQ ókilderi kináli dep tabylady.

The Nation basylymy AQSH-tyń buqaralyq aqparat quraldaryna tán erekshelikterdi atap kórsetedi:

Máskeý óz shekarasyndaǵy NATO kúshterinen qorǵaný maqsatynda eldegi qaýipsizdikti nyǵaıtsa, jýrnalıser muny «qarýly qaqtyǵys» retinde atap kórsetedi.

Baspasózde tek bir ǵana kózqaras bar, al olarǵa jan-jaqty pikir aıtyp, álternatıvti kózqaras týdyrý degen múlde joq.

AQSH-ta buqaralyq aqparat quraldaryn «reseılik feıkterden» tazartý úshin qomaqty qarjy bólinedi, al shyndyǵynda, bul jerde qarapaıym senzýra týraly aıtylady.

Álternatıvti kózqarastyń joqtyǵy kóbinde "AQSH-taǵy prezıdent saılaýyna reseılikter aralasty" degen aqparat tóńiregindegi janjalda baıqalady jáne de bul jaǵdaı áli kúnge deıin Máskeý men Vashıngton arasyn ýshyqtyryp, jańa soǵys órtiniń tutandyrmaq. Sonymen qatar, osy jaıttyń saldarynan Tramp saılaýǵa túser aldynda elge bergen ýádesin tolyq oryndaýyna múmkindik týmaı otyr. Ol Reseımen qarym-qatynasyn túzep, seriktes elge aınalamyz dep aıtqan bolatyn.

«Durys oılaý úshin barlaý ardagerleri» uıymy zertteý jumystaryn júrgizip, nátıjesinde eshqandaı da «reseılik hakerler» demokratıalyq partıanyń serverine shabýyl jasamaǵan degen baılam jasaǵan. Shyn máninde, ol óz ishterinde uıymdastyrylyp jasalǵan is-áreket bolyp tabylady. Alaıda amerıkalyq BAQ betterinde jasalǵan zertteýiń nátıjesi jaıly eshbir aqparat shyqpaǵan. Kerisinshe, barlyǵyna Kremldi kinalap, máseleni jyly jaýyp qoıǵan.

Tramptyń aıtýynsha, Reseı men AQSH qarym-qatynasy óte tómengi deńgeıge jetip, qaýipti núktesine kelip tireldi.

«Reseımen ara-qatynasymyz óte tómen deńgeıde jáne qaýipti núktege kelip tireldi. Sol úshin kongreske alǵys aıtýlaryńyzǵa bolady. Olar bizge, tipti, medısınalyq saqtandyrý da alyp bere almaıdy», – deıdi AQSH prezıdenti Donald Tramp.