Astanada abıtýrıentterdiń ata-analary men týystary Bilim jáne ǵylym mınıstrligi ǵımaratynyń aldyna jınaldy. Olar memlekettik bilim granttarynyń bólinýine kóńilderi tolmaıtyndaryn aıtty, dep habarlaıdy Qamshy.kz aqparat agenttigi Sentralasian.org saıtyna silteme jasap.
Jınalǵandardyń sózderine qaraǵanda, keıbir mamandyqtar boıynsha az upaı jınaǵan abıtýrıentter joǵary oqý oryndarynyń granttaryna ıe bolǵan, al olardan kóp upaı jınaǵandar oqýǵa túse almaı qalǵan.
Bıyl Ulttyq biryńǵaı testileýge 88 myń mektep bitirýshi qatyssa, solardyń 14 myńǵa jýyǵy 50 upaılyq mejeden óte almady. Testileý nátıjesi boıynsha, respýblıkada ortasha kórsetkish 80,5 upaı boldy.
Mınıstrlik ókilderi bul jaǵdaıǵa keıinirek túsinikteme berýge ýáde berdi. Biraq abıtýrıentter men ata-analar mınıstrliktiń resmı ókiliniń jaýabyn estimeı ketpeımiz dep otyr.
