Memleket basshysynyń «Ult jospary – qazaqstandyq armanǵa bastaıtyn jol» maqalasy jaryq kórgennen soń 2016 jyldyń 1 qańtarynan «5 ınstıtýttyq reformany júzege asyrý boıynsha 100 naqty qadam» – Ult josparyn oryndaýdyń praktıkalyq kezeńi bastaldy. Elbasy maqalasynda "Biz Táýelsizdiktiń 25-shi jyldyǵyna jańa qazaqstandyq armanmen aıaq bastyq, onyń basty maqsaty júzege asyrylyp jatqan «2050» Strategıasymen bara-bar. HHİ ǵasyrdyń ortasyna qaraı biz Qazaqstannyń álemdegi asa damyǵan 30 memlekettiń qataryna qosylýyna qol jetkizýdi josparlap otyrmyz." dep atap ótilgen bolatyn. Qazaqstannyń áleýeti halyqaralyq arenada tanylyp jatyr.

Qazaqstan jaıly sheteldik BAQ ókilderi ne jazady? Osy máseleni eskergen Forbes.kz portaly sheteldik baspasózdi bir sholyp shyqty. Atalmysh portal jınaqtaǵan Qazaqstan jaıly sóz qozǵaǵan sheteldik aqparat agenttikteriniń sholýlaryn Qamhsy.kz aqparat agenttigi oqyrman nazaryna usynady.

Sheteldik BAQ-tyń kóbine Qazaqstannyń ekonomıkasyna basa nazar aýdarǵany baıqaldy.

NG.RU: «Pentagon Qazaqstanda antıreseılik shekara jelisin jasaıdy» – Qazaqstanda NATO  jáne TMD elderiniń qatysýymen Almaty oblysyndaǵy İle jattyǵý polıgonynda «Dala qyrany – 2017» halyqaralyq bitimgershilik oqý jattyǵýy aıaqtaldy. Atalmysh shara elde 2003 jyldan beri ótip keledi. Oqý jattyǵýynyń mańyzy – onda reseılik áskerı qyzmetkerler qatysady. Al qazaqstandyq soldattar men ofıserlerdiń daıyndyǵy men oqý jattyǵýy «Qazbat» bitimgershilik batalóny aıasynda Soltústik atlantıkalyq standarttary negizinde ótedi.

INOZPRESS.KG: «Qazaqstandyq júzden asa tutqyn rdıkalızmnen bas tartty» – mamandardyń pikirinshe, tutqyndar men radıkalızmdi jaqtaýshylardy qaıta ońaltý operasıasy sátti ótti.

REGNUM.RU: «Qazaqstan: jarqyn bolashaq úshin elde elektroenergıa jete me?» – Qazaqstanda birneshe jyldan beri ımport, naryq, benzın, gazoıl salalary boıynsha qıyndyqtar týyndap keledi.

«Sanattarǵa bólgen: Qazaqstandyq emdelýshiler jedel-járdemdi kútpeı me?» – Qazaqstanda jedel-járdemdi shaqyrý 4 sanatqa bólindi».

RUSSIAN.PEOPLE.COM.CN: «Qytaı Qazaqstanmen ıadrolyq energetıka salasy boıynsha yntymaqtastyqty nyǵaıtýdy kózdeıdi» – Qytaı Qazaqstanmen yntymaqtastyq ornatý barysynda seriktestiktiń ıadrolyq energıanyń barlyq óndirisine qatysty bolǵanyn kózdeıdi.

RUSSIAN.NEWS.CN: «Qytaı men Qazaqstan quny $60 mln. bolatyn aýyl sharýashylyq týraly kelisimge qol qoıdy» – 9 tamyz kúni «Qazaqstan men Qytaı saýda-ekonomıkalyq yntymaqtastyǵy» bıznes-forýmy quny quny $60 mln. bolatyn kelisimge qol qoıdy.

KOMMERSANT.RU: «BAÁ, Irak, Qazaqstan jáne Malaızıa Munaı eksporttaýshy elder uıymynyń sharttaryn júzege asyrýǵa daıyn ekenderin málimdedi» – Birikken Arab Ámirlikteri, Irak, Qazaqstan jáne Malaızıa tehnıkalyq OPEK+ komıtetine munaı óndirý salasyn qysqartý týrasyndaǵy sharttardy oryndaýǵa daıyn ekenderin jetkizdi. Atalmysh memleketter «tehnıkalyq komıtetpen yntymaqtastyq ornatýǵa tolyqqandy daıyn», – delingen OPEK málimdemesinde.

GEZITTER.ORG: «Jańa antıreseılik sanksıalar: Qazaqstanda dollardyń baǵasy kóterildi» –Reseıge qarsy engizilgen jańa sanksıalar EEO memleketteri arasynda alańdaýyshylyq týdyrdy. Qazaqstan prezıdenti Nursultan Nazarbaev málim etkendeı, antıreseılik sanksıalar Qazaqstan ekonomıkasyna teris áserin tıgizýi múmkin. Sol sebepti eldiń premer-mınıstri Baqytjan Saǵyntaevqa ekonomıkany nyǵaıtý úshin birqatar tapsyrmalar berdi.

IA-CENTR.RU: «Dará Chıjkova. Qazaqstan – 2017. Ekonomıka optımısti bolýy kerek» – Qazaqstan saıasatynda prezıdent pen úkimet basshysynyń «jeke» kezdesýi ótti. Basshylar arasyndaǵy áńgime jeńil ári pozıtıvti túrde ótti.

BELTA.BY: «Belarýsıa men Qazaqstanǵa ınovasıalyq jobalardy birlesip zertteý kerek – Nıchkasov» – Belarýsıanyń Qazaqstandaǵy Tótenshe jáne ókiletti elshisi Anatolıı Nıchkasov Astanada ótken baspasóz konferensıasynda Belarýsıa men Qazaqstanǵa birlesip ınovasıalyq jobalardy damytýy tıis ekenin aıtty.