Elbasynyń 2017 jylǵy joldaýynda "Meniń tapsyrmam boıynsha bıyl «Nurly jer» turǵyn úı baǵdarlamasy iske asyryla bastaıdy. Ol asa mańyzdy mindetti oryndaýǵa – aldaǵy 15 jylda 1,5 mıllıon otbasyn turǵyn úımen qamtamasyz etýge baǵyttalǵan.", - dep «Nurly jer» turǵyn úı baǵdarlamasyna asa mán bergen.
Búgin Almatyda Qurylysshy kúnine arnalǵan saltanatty shara ótti dep habarlaıdy Qamshy.kz aqparat agenttigi.
Qala ákimdigi baspasóz qyzmetiniń málimetine súıensek, Almaty ákimi Baýyrjan Baıbek óziniń quttyqtaý sózinde qalanyń İÓÓ qurylys sektorynyń úlesi 262 mlrd. teńgeni quraǵanyn atap ótti. Tek ótken jyldyń ózinde ǵana 1,9 mln. sharshy metrden astam turǵyn úı paıdalanýǵa berildi, 2015 jylmen salystyrǵanda 35%-ǵa kóp.
«Qurylysshy mamandyǵy barlyq kezeńde úlken abyroı men qurmetke ıe. Sizder tek qana úı, ınfraqurylym nysandaryn salýmen shektelmeısizder. Qalalarǵa arhıtektýralyq kelbet beretin de, ekonomıkany damytatyn da – sizder. Qurylysshylardyń arqasynda ómir sapalyq jaǵynan oń sıpatqa ıe bolyp, azamattardyń turmys jaǵdaılary jaqsarady. Ózderińiz bilesizder, Elbasynyń tapsyrmasy boıynsha bıylǵy jyldan bastap «Nurly jer» turǵyn úı baǵdarlamasyn júzege asyrý bastalady. Onyń basty maqsaty – taıaýdaǵy 15 jyl ishinde 1,5 mıllıon otbasyn turǵyn úımen qamtamasyz etý. Baǵdarlamaǵa turǵyn úı naryǵyn qoldaýdyń keshendi sharalary engizilgen. Bul, sóz joq, elimizdiń qurylys salasyn damytýǵa jańa serpin beredi. Bizdiń negizgi mindetimiz – almatylyqtardyń turǵyn úı máselesin sheshý. «Nurly jer» baǵdarlamasyn júzege asyrý barysynda 73 úı salynýda, onyń 24-iniń qurylysy bıylǵy jyly aıaqtalady», – dedi B.Baıbek.
Qala basshysy 2015 jyldan bastap qurylys salasyna quıylǵan ınvestısıa kóleminiń 17%-ǵa artqanyn aıtty. Tek bıylǵy jyldyń birinshi jartyjyldyǵynda qurylys salasyna 235 mlrd. teńge ınvestısıa bólingen.
Búgingi kúni Almatyda turǵyn úı jáne azamattyq baǵyttaǵy 1140 obektiniń qurylysy júrip jatyr, bulardyń ishinde 762 qurylys jeke ınvestısıa arqyly, al 378 nysan búdjet arqyly qarjylandyrylýda. Memlekettik baǵdarlamalar aıasynda 2016-2017 jyldary ákimdik tarapynan 1040 páterli 19 turǵyn úı salyndy. «Qoljetimdi baspana – 2020» baǵdarlamasy boıynsha bıyl «Saıaly», «Jas Qanat» yqshamaýdandarynda taǵy 17 turǵyn úıdi iske qosý josparlanǵan. «Eski úılerdi súrý» qalalyq baǵdarlamasy boıynsha 3 jańa úı salynyp, eski úılerdiń turǵyndary jańa qonysqa kóshirildi. Búgingi kúni zamanaýı yqshamaýdanǵa aınalǵan Atletter aýylynan 1748 otbasy páter aldy. Naýryzbaı aýdanynda sońǵy jyldary qurylys keń qanat jaıýda.
Bıylǵy jyly bilim berý júıesiniń 42 nysanynyń qurylysyn salý jáne seısmıkalyq qýatyn nyǵaıtý qarastyrylǵan. Onyń 29 obektisi bıyl iske qosylady. Densaýlyq saqtaý salasynyń 18 obektisi salynýda jáne jóndelýde. Jyl aıaǵyna deıin 10 nysan paıdalanýǵa beriledi.
Qala turǵyndary men qonaqtaryna barynsha qolaıly ári jaıly jaǵdaı jasaý jáne ekologıany jaqsartý úshin Jibek joly, Panfılov, Gogol, Qabanbaı batyr kósheleri men «Astana» alańynda aýqymdy abattandyrý jumystary júzege asyp, qaıta jańǵyrý jumystary júrýde. Bul kósheler jaıaý júrginshige basymdyq berý maqsatynda qaıta jasalýda, munda demalýǵa qolaıly qoǵamdyq keńistikter, jaıaý júrginshi aımaqtary, velojoldar, jasyl jelekter paıda bolady.
