Shilde aıynyń sońynda Breksıt boıynsha London men Brússel arasynda ótken kelissózderdiń birinshi aınalymy sátsiz aıaqtaldy dep habarlaıdy Qamshy.kz aqparat agenttigi newsforbreakfast.ru-ǵa silteme berip.

Bul jaıly Ulybrıtanıa Premer-mınıstri Tereza Meıdiń resmı ókili málimdgen. Ulybrıtanıa Eýropalyq Odaq aldyndaǵy mindettemelerin oryndaǵysy kelmeıtinge uqsaıdy. «Sıfrlarǵa qatysty aıtarymyz biz olarmen kelispeımiz», – dedi Tereza Meıdiń resmı ókili.

 Buǵan deıin brıtanıalyq úkimettegi aqparat kózderine súıene otyryp, taraptar Eýroodaqpen ekonomıkalyq qarym-qatynasty ári qaraı damytý boıynsha ortaq kelisimge kelgen jaǵdaıda ǵana Ulybrıtanıa ótemaqy tóleýge daıyn dep aıtylǵan bolatyn. Onyń ishine erkin saýda aınalymy týraly kelisim de kiredi. Ulybrıtanıanyń keıbir saıasatkerleri: «Eýroodaqtyń ortaq naryǵynan shyǵý arqyly memleket ekonomıkalyq qıyndyqtyqtarǵa kezikkenimen jańa kókjıekterge jol ashylyp, ózge eldermen saýda-ekonomıkalyq qarym-qatynastar nyǵaıady», – deıdi.