Bilim mınıstri Erlan Saǵadıev senbi kúni Qazaqstan Respýblıkasy bilim jáne ǵylym mınıstrliginde tańerteńnen keshke deıin abıtýrıentterdiń ata-analaryn, olardyń týystaryn bilim berý granttarynyń bólinýine bildirgen narazylyqtaryna qatysty qabyldady.

Qabyldaýǵa kelgender olardyń balalarynyń UBT-dan júzden asa bal jınaǵanyna qaramastan grant ala almaǵanyn baıandady. Bilim berý granttary konkýrsynyń nátıjeleri konkýrsqa qatysýshylardyń barlyǵynyń birdeı úmitin aqtamaǵany aıqyn, sebebi granttardyń sany shekteýli boldy, mektep bitirýshilerdiń tek 30% ǵana bilim berý grantyn aldy. Bul stýdentterdiń kóbisiniń aqyly negizde bilim alatynyn bildiredi.

Eger qalyptasqan jaǵdaıǵa baılanysty Sizdiń balańyz grantqa túse almaǵan, al tóleýge aqsha jetispegen jaǵdaıda ne isteý kerek?

Stýdentter men abıtýrıentterge oqýǵa aqy tóleýge qoldaý kórsetý maqsatynda Bilim berý kredıtterin kepildendirýdiń memlekettik baǵdarlamasy engizildi, onyń sheńberinde abıtýrıenttiń óziniń atyna stýdenttik kredıt resimdeýge bolady.

Stýdenttik kredıttiń artyqshylyqtary:

- jyldyq 10% bastap;

- 12 jylǵa deıin (aıyppul sanksıasyz merziminen buryn óteý);

- kepilsiz (QR Bilim jáne ǵylym mınıstrliginiń Qarjy ortalyǵy kepildik qamtamasyz etý kepili bolyp tabylady);

- kredıtti óteýdi keıinge qaldyrý (oqý kezeńinde jáne ony aıaqtaǵannan keıin 6 aı stýdent tek kredıt boıynsha paıyzdardy ǵana óteıdi);

- kolejdiń/joǵary oqý ornynyń abıtýrıentiniń/stýdentiniń ózine rásimdeledi (oqýdy aıaqtaǵannan keıin óteý mindettemesi abıtýrıenttiń/stýdenttiń ózine júkteledi);

- Qazaqstannyń barlyq qalalarynda rásimdeledi;

- kredıtti qajettigine qaraı alý.

Qaryz alýshyǵa qoıylatyn talap:

- QR azamattyǵy;

- úlgerimi UBT/KT boıynsha 50 baldan tómen emes;

- qosa qaryz alýshynyń bolýy (tabysy jáne zeınetaqylyq aýdarymy bar jeke tulǵa) 

Kredıtti alý qadamdary:

- qujattar jınaý jáne Sizdiń qaladaǵy bankke barý;

- oń sheshim qabyldanǵannan keıin bankimen shartqa qol qoıasyz;

- shartqa qol qoıǵannan keıin aqsha kolejdiń/joǵary oqý ornynyń shotyna aýdarylady.

Kredıt resimdeý úshin qajetti qujattar:

            Qaryz alýshyǵa:

1. jeke kýáligi;
2. turǵylyqty jeri boıynsha tirkelýin rastaıtyn qujat;
3. abıtýrıentter úshin UBT sertıfıkaty (notarıaldy kýálandyrylǵan kóshirmesi) nemese sońǵy sesıadaǵy transkrıpt;
4. bilim berý qyzmetin alýǵa arnalǵan shart nemese oqý kezeńindegi quny kórsetilgen tólem shoty;
5. Bankiniń talabyna qaraı ózge de qujattar talap teilýi múmkin.

          Qosa qaryz alýshyǵa:

1. jeke kýáligi;
2. turǵylyqty jeri boıynsha tirkelýin rastaıtyn qujat;
3. jumys ornynan tabysy týraly anyqtama;
4. sońǵy 6 aıdaǵy zeınetaqy shotynan úzindi kóshirme;

Grant nátıjelerine táýeldi bolǵysy kelmegender úshin bilim berý depozıtinde aldaǵy oqýyna qarajat jınaqtaý múmkindigi beriledi, bul rette jyl saıyn memleketten qosymsha aqsha alady.

Anaǵurlym tolyǵyraq aqparat alý úshin ne stýdenttik kredıt resimdeý kezinde problemalar týyndaǵan kezde Qazaqstan boıynsha 8 800 080 28 28 tegin qaýryt jelisine habarlasyńyz.