Búgin Qazaqstan Respýblıkasynyń Premer-mınıstri Baqytjan Saǵyntaev Armenıa Respýblıkasynyń Premer-mınıstri Karen Karapetánmen kezdesý ótkizdi. Bul týraly Qamshy.kz aqparat agenttigi Premer-mınıstrdiń baspasóz qyzmetine silteme jasap habarlaıdy.

Kezdesý barysynda saýda-ekonomıkalyq qatynastar, atap aıtqanda yntymaqtastyqtyń jańa formalaryn odan ári damytý perspektıvalary talqylandy, onyń ishinde kórsetiletin qyzmetter men jańa tehnologıalar saýda-sattyǵy bar. Osy oraıda, saýda-ekonomıkalyq yntymaqtastyq jónindegi qazaqstandyq-armıandyq Úkimetaralyq komısıanyń nátıjeli jumysy atap ótildi.

Sondaı-aq, tranzıttik-logıstıkalyq áleýetti damytý, halyqaralyq uıymdar aıasyndaǵy jáne Eýrazıalyq ekonomıkalyq odaqtaǵy ıntegrasıalyq úderisterdi nyǵaıtýdaǵy ózara árekettestik máseleleri talqylandy.

Budan ózge, taraptar Astanada EKSPO-2017 kórmesin jáne 16 tamyzǵa josparlanǵan Armenıanyń Ulttyq kúnin ótkizý barysyn talqylady.