Ekonomıkalyq sektor

Qysqa merzimdi ekonomıkalyq ındıkator 2017 jylǵy qańtar-shildede 2016 jylǵy qańtar-shildege qaraǵanda 105,5% qurdy dep habarlaıdy Qamshy.kz aqparat agenttigi.

Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JİÓ-ń 60%-nan asa quraıtyn aýyl sharýashylyǵy, ónerkásip, qurylys, saýda, kólik jáne baılanys sıaqty negizgi salalar boıynsha shyǵarylym ındeksteriniń ózgerýine negizdeledi.

2017 jylǵy qańtar-shildede negizgi kapıtalǵa salynǵan ınvestısıalar kólemi 4049,9 mlrd. teńgeni qurdy, bul 2016 jylǵy qańtar-shildege qaraǵanda 3,2% artyq.

2017 jylǵy qańtar-shildede ónerkásip óndirisiniń kólemi qoldanystaǵy baǵalarda 12344,3 mlrd. teńgeni qurdy, bul 2016 jylǵy qańtar-shildege qaraǵanda 7,7% ósti. Ken óndirý ónerkásibinde jáne karerlerdi qazýda óndiris kólemi 9,5%, óńdeý ónerkásibinde 6,3%, elektrmen jabdyqtaý, gaz, bý berý jáne aýa baptaýda 5,1% artty. Sýmen jabdyqtaýda, káriz júıesi, qaldyqtardy jınaý jáne bólýdi baqylaýda óndiris kólemi 0,4% tómendedi.

2017 jylǵy qańtar-shildede aýyl sharýashylyǵy jalpy óniminiń kólemi 1180,2 mlrd. teńgeni qurap, 2016 jylǵy qańtar-shildege qaraǵanda 2,7% artty.

2017 jylǵy qańtar-shildedegi «Kólik» salasy boıynsha naqty kólem ındeksi 104,4%-dy qurdy.

2017 jylǵy qańtar-shildede júk aınalymynyń kólemi 305 mlrd. tkm (komersıalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen) qurap, 2016 jylǵy qańtar-shildemen salystyrǵanda 7,6% artty. Jolaýshylar aınalymynyń kólemi 151,8 mlrd. jkm qurap, 3,3% artty.

2017 jylǵy qańtar-shildedegi «Baılanys» salasy boıynsha naqty kólem ındeksi 102,7%-dy qurdy.

2017 jylǵy qańtar-shildedegi «Saýda» salasy boıynsha naqty kólem ındeksi 102,9%-dy qurdy.

2017 jylǵy qańtar-shildede bólshek saýda kólemi 4674,2 mlrd. teńgeni nemese 2016 jyldyń tıisti kezeń deńgeıimen salystyrǵanda 106,4% qurady (salystyrmaly baǵada).

2017 jylǵy qańtar-shildede kóterme saýda kólemi 9985,1 mlrd. teńgeni nemese 2016 jyldyń tıisti kezeń deńgeıimen salystyrǵanda 101,2% qurady (salystyrmaly baǵada).

2017 jylǵy qańtar-maýsymda syrtqy saýda aınalymy 36719,7 mln. AQSH dollaryn qurap, 2016 jylǵy qańtar-maýsymmen salystyrǵanda 30,5% artty, sonyń ishinde eksport – 23167 mln. AQSH dollaryn (38,3% kóp), ımport – 13552,7 mln. AQSH dollaryn qurady (19% kóp).

2017 jylǵy 1 tamyzdaǵy jaǵdaı boıynsha tirkelgen zańdy tulǵalardyń sany 400216 birlikti qurap, ótken jylǵy sáıkes kezeńmen salystyrǵanda 7% artty, onyń ishinde 100 adamnan kem qyzmetkerleri bar – 391358 birlik. Jumys istep turǵan zańdy tulǵalardyń sany 248490 qurady, onyń ishinde 240120 birlik shaǵyn kásiporyndar (100 adamnan kem).

Tutyný baǵasynyń ındeksi 2017 jylǵy shildede 2016 jylǵy jeltoqsanmen salystyrǵanda 103,8% qurady. Azyq-túlik taýarlarǵa baǵalar – 4,6%, azyq-túlik emes taýarlarǵa – 3,5%, halyqqa arnalǵan aqyly kórsetiletin qyzmetterge – 3,3% ósti. Ónerkásip ónimderine óndirýshi kásiporyndar baǵasy 2017 jylǵy shildede 2016 jylǵy jeltoqsanmen salystyrǵanda – 3,5% joǵarylady.

Áleýmettik sektor

2017 jylǵy maýsymda halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 75890 teńgeni qurady, bul 2016 jylǵy maýsymǵa qaraǵanda 1,7% joǵary, al naqty aqshalaı tabys kórsetilgen kezeńde 5,4% tómendedi.

2017 jylǵy shildede bir qyzmetkerdiń ortasha aılyq ataýly jalaqysy baǵalaý boıynsha 149032 teńgeni qurady.

2017 jylǵy shildede jumyssyzdar sany baǵalaý boıynsha 437 myń adamdy qurady. Jumyssyzdyq deńgeıi jumys kúshi sanyna 4,9% qurady. Jumyspen qamtý organdarynda jumyssyzdar retinde tirkelgender sany 2017 jylǵy shildeniń sońyna 96,4 myń adamdy qurady nemese jumys kúshine 1,1%.