Reseılik BAQ-tyń habarlaýynsha, úlken ájeı Ramzan Qadyrovtan Sırıadaǵy qyzy men nemerelerin qaıtarýyn surady.
Kúıeýlerimen qosa, DAISH terorıstik uıymyna qosylyp ketken áıelderdiń analary Sheshenstan prezıdenti Qadyrovtan kómek surady dep jazady Qamshy.kz aqparat agenttigi.
Groznyı qalasynyń kóshelerinde aksıaǵa shyqqan sheshenderdiń arasynda qazakstandyq turǵyn Roza Anaeva da bar bolyp shyqty. Rozanyń aıtýynsha, qyzy Iman Mýzaeva kúıeýi jáne úsh balasymen 2014 jyly Sırıaǵa attanǵan.
Kúıeýi qaıtys boldy, al Imandy balalarymen Sırıada ustap otyrǵan kórinedi.
Aksıaǵa qatysýshy áıelderdiń oqıǵalary osyǵan uqsas. Olardyń aıtýynsha, áskerler áıelderdi jiberýge daıyn, alaıda balalaryn qaldyrýǵa tıis ekenderin aıtqan.
Aıta keteıik, osydan birneshe jyl buryn Qadyrovtyń aralasýymen Irakqa alyp ketken 4 jasar Bilál Tagılov elge qaıtarylǵan.
