Reseıdiń Saratov oblysynan 4 ımam qazaq tilin úırený nıetimen Almaty qalasynda 1 aı merzimde bilim aldy dep habarlaıdy Qamshy.kz aqparat agenttigi QR Dinı basqarmasynyń baspasóz qyzmetine silteme jasaı otyryp.

Imamdardyń biri – Tájik, qalǵan úsheýi – Qazaq ultynan eken. Qazaq tilin úırenýleriniń sebebin suraǵanda: «Biz qyzmet etetin aımaqtyń úshten bir bóligi – qazaqtar. Olarǵa din úıretýdiń eń tıimdi joly –  olardyń óz tilinde sóılep, ana tili arqyly dindi túsindirý», –  degen sózdermen maqsattaryn túsindirdi.

Shynynda, qazaq ádebıeti tunǵan din men dástúr qundylyqtary. Bir ǵana Abaı atamyzdyń «Qara sózderiniń» ózi – Islamdaǵy senim máseleleri men adamgershilik qundylyqtardy tolyq qamtyǵan dese, qatelik emes, – dep habarlaıdy Almaty ortalyq meshitiniń baspasóz qyzmeti.

Óz kezeginde Almaty qalasynyń ókil ımamy Nurbek Aýesqanuly din men dástúr janashyry Bas múftı Erjan qajy Malǵajyuly atynan elimizge izgi maqsatpen kelgen ımamdarǵa QMDB ımamdarynyń resmı shapanyn japty.

Nurbek qajy Aýesqanuly: «Aldaǵy ýaqytta bilim alýǵa keletin Reseılik qandastarymyzdy qushaq jaıyp qarsy alýǵa daıynbyz. Dinı oqý oryndarynda da bilim alýǵa jol ashylady degen oıdamyn», – dep ystyq lebizin bildirdi.