9 tamyzda áýejaı aýmaǵynda Astana qalasynyń kólik keńestiginiń biryńǵaı saıasatyn iske asyrý aıasynda 806 orynǵa arnalǵan aqyly turaq boıynsha pılottyq jobasy iske qosylǵan bolatyn. 
Aqyly turaqtyń baǵa saıasaty: turaq aýmaǵynda kólikti qoıý 30 mınýt – tegin. Ári qaraı: birinshi saǵaty – 300 teńge, kelesi saǵat –  1500 teńge.  

Bul baǵa kórsetkishi qala turǵyndary men qonaqtarynyń qolaılyǵy úshin bos kólik turaǵyn qamtamasyz etý maqsatynda Astana qalasynyń eski temirjol vokzalynyń aýmaǵynda ornatylǵan.  

«Astana LRT» JSHS kólikti uzaq ýaqytqa 266 orynǵa arnalǵan turaqta qaldyrýǵa keńes beredi, onda beınekamera ornatylǵan, táýlik boıy kúzetiledi. Kólikti turaqqa qoıý baǵasy 1 táýlikke 2000 teńge.

Oǵan qosa halyqaralyq áýejaı aýmaǵynda jolaýshylar óz kólikterin qaldyra alatyn tegin turaq ta bar. Kólikterin turaqqa qaldyryp ketkeni úshin bastapqyda jolaýshylardan 57 myń teńge somasynda aqy talap etilgen, keıin olardyń bul aqyly turaq ekenin bilmegeni anyqtaldy, osylaısha baǵa saıasaty aýysyp, olar nebári 2000 teńge mólsherinde aqy tóledi. Osy jaǵdaıǵa baılanysty jolaýshylarǵa áýejaı aýmaǵynda kólik turaǵynyń baǵa saıasaty jóninde aqparat berildi.

– Biz adamdarmen túsindirý jumystaryn ótkizý kerektigin túsindik, olar kólik turaǵyna qatysty aqparatpen tanys bolǵany jóninde qujatqa qol qoıdy. Nátıjesinde biz adamgershilik ári túsinistik tanytyp, olardan nebári 2000 teńge talap ettik. Adamdar áýejaıdy qaıta qalpyna keltirý kezinde kólik turaǵy tegin bolǵanyna úırenip qalǵan, –  dedi «Astana LRT» dırektory Rýstam Halılev.

Aldaǵy ýaqytta kólik turaǵyna kirip-shyqqany úshin aqy tóleýge múmkindik beretin qosymsha engizý josparlanýda, sondaı-aq abonementtik júıeni engizý máselesi de qarastyrylatyn bolady.