Jańa oqý jylynda Túrkıa Respýblıkasy Qazaqstandyq stýdentterge 500 oqý grantyn bóledi dep habarlaıdy Qamshy.kz aqparat agenttigi BǴM baspasóz qyzmetine silteme jasap. Bul granttar Q.A.Iasaýı atyndaǵy Halyqaralyq qazaq-túrik ýnıversıtetinde tegin bilim alýǵa múmkindik beredi. Túrkıa grantyn jeńip alǵan talapkerler 1 jyl boıy Daıyndyq, til úıretý ortalyǵynda Foundation baǵdarlamasy boıynsha tegin oqytylady. Baǵdarlamany meńgerip, qorytyndy emtıhandy sátti tapsyrǵan bilim alýshylar 1-kýrsqa Túrkıa Respýblıkasynyń granty negizinde qabyldanady. Konkýrs mınıstrliktiń júıesimen beıindik pánine sáıkes tańdaǵan mamandyq boıynsha júrgiziledi.
Q.A.Iasaýı atyndaǵy Halyqaralyq qazaq-túrik ýnıversıteti Qazaqstanda da, shetelde de básekege qabiletti bolý maqsatynda halyqaralyq deńgeıdegi bilim berý baǵdarlamalaryn jasaýda. Ýnıversıtettiń bolashaq josparlarynda bakalavr jáne magıstrlik baǵdarlamalardyń sanyn, bilim berý prosesin, materıaldyq-tehnıkalyq, áleýmettik ınfraqurylymdardy damytý kózdelgen. Ol otandyq jáne shetel stýdentteri úshin ýnıversıtettiń básekege qabilettiligin arttyrýǵa kómektesedi.
Ýnıversıtet álemdik deńgeıdegi bilim berý mekemesi ǵana emes, sonymen qatar, akademıalyq utqyrlyq baǵdarlamasy boıynsha da bilim taratatyn, tájirıbe almasatyn ortalyq bolyp tabylady. Jyl saıyn 400-ge jýyq stýdentter Túrkıanyń jáne Eýropa elderiniń aldyńǵy qatarly ýnıversıtetterinde 1 semestr joǵary bilimdi damytý múmkindigine ıe bolady.
Ýnıversıtettiń bilim berý júıesi men baǵdarlamalary Bolon úderisine jáne álemniń aldyńǵy qatarly ýnıversıtetteriniń oqytý júıelerine negizdelgen. Korpýstary Eýropalyq úlgide salynǵan. Búgingi tańda stýdentter álemniń 17 memleketinen kelip oqıdy. Al, túlekter – Qazaqstandaǵy eń iri medıaholdıngterdiń, kásiporyndar men mekemelerdiń basshysy bolyp qyzmet atqarýda.
Qazirgi tańda ýnıversıtet ujymy Halyqaralyq akredıtteýden ótken bilim berý baǵdarlamalarynyń negizinde básekege qabiletti joǵary bilikti mamandar daıarlaıtyn álemdik deńgeıdegi ýnıversıtetke aınalý boıynsha jumys jasap jatyr.
Túrkıa grantynyń konkýrsyna ótinishterdi qabyldaý 10 tamyzdan bastalyp, 25 tamyzǵa deıin jalǵasady.
