Atyraý oblysynyń ákimi oblys aktıvine Kásipkerlik jáne ındýstrıaldy-ınnovasıalyq damý basqarmasynyń basshysyn tanystyrdy. Oblys ákiminiń ókimimen bul laýazymǵa Eleýsizov Aıqyn Qylyshuly taǵaıyndaldy dep habarlaıdy Qamshy.kz aqparat agenttigi Atyraý ákimdiginiń baspasóz qyzmetine silteme jasap.
Eleýsizov Aıqyn Qylyshuly 28 qańtar 1986 jyly dúnıege kelgen. Bilimi – joǵary, Qazaq gýmanıtarlyq zań ýnıversıtetin qarjyger mamandyǵy boıynsha bitirip, Qazaq qatynas joldary ýnıversıtetinen ekonomıka ǵylymdarynyń magıstri ataǵyn alǵan.
Eńbek jolyn Qazaqstan Respýblıkasynyń Qarjy mınıstrligi Qazynashylyq komıtetiniń Astana qalasy boıynsha qazynashylyq departamentinde memlekettik organdarmen jumys jasaý bóliminiń bas mamany qyzmetinen bastaǵan.
2009-2013 jyldary Qazaqstan Respýblıkasynyń Kólik jáne komýnıkasıa mınıstrligi Halyqaralyq yntymaqtastyq jáne tranzıttik saıasat departamenti tranzıttik saıasat basqarmasynda bas sarapshy, 2014-2016 jyldary Qazaqstan Respýblıkasynyń Investısıalar jáne damý mınıstrligi Ekonomıkalyq ıntegrasıa departamenti kólik jáne ınfraqurylym basqarmasynyń basshysy, 2016 jyldyń qazan aıynan beri Atyraý oblysy ákimi apparatynyń uıymdastyrý-ınspektorlyq bóliminiń basshysy qyzmetin atqaryp keledi.
Atyraý oblystyq Jastar saıasaty máseleleri basqarmasynyń basshysy bolyp Quspan Rollan Qabyluly taǵaıyndaldy.
Quspan Rollan Qabyluly 16 qyrkúıek 1987 jyly dúnıege kelgen. Bilimi – joǵary, L.N.Gýmılev atyndaǵy Eýrazıa Ulttyq Ýnıversıtetin esep jáne aýdıt bakalavry, Jambyl gýmanıtarlyq-tehnıkalyq ýnıversıteti quqyq bakalavry mamandyǵy boıynsha aıaqtap, L.N.Gýmılev atyndaǵy Eýrazıa Ulttyq Ýnıversıtetinen aımaqtaný magıstri ataǵyn alǵan.
Eńbek jolyn 2009 jyly «Qazaqstan jastarynyń Kongresi» zańdy tulǵalardyń qaýymdastyq nysanyndaǵy birlestiginde esepshi qyzmetinen bastaǵan.
2010-2012 jyldary «Qazaqstan jastarynyń Kongresi» zańdy tulǵalardyń qaýymdastyq nysanyndaǵy birlestigi dırektorynyń orynbasary, 2013-2014 jyldary osy birlestiktiń atqarýshy dırektory, 2014-2015 jyldary «JasOtan» jastar qanatynyń Respýblıkalyq qory» Korporatıvtik qory dırektorynyń orynbasary, 2016 jyldyń qyrkúıeginen beri Almaty qalasy Jastar saıasaty máseleleri jónindegi basqarmasynyń basshysy qyzmetin atqardy.
