QR áskerı prokýratýrasy shekaradan zańsyz ótpek bolǵandar men shekarashylardyń arasynda bolǵan jaǵdaı týraly jańa derekter aıtty dep habarlaıdy Qamshy.kz aqparat agenttigi.

Prokýratýranyń bergen málimetine saı, 2017 jyldyń 12 tamyzynda saǵat 19.56-da «Jasórken» shekara beketinde 2035 áskerı bólimshesinde 2 sarbaz (P.A.Ergesh pen A.G.Bóribaı) Qazaqstan men Qyrǵyzstan shekarasyndaǵy bógetti belgisiz 20 adam Qyrǵyzstannan jylqylardy kirgizý maqsatynda buzǵanyn baıqaǵan.

Shekarashy Ergesh «Toqta!» dep aıqaılaǵannan keıin, belgisiz adamdar shekarashylardy taspen ata bastaǵan.

Osydan keıin Ergesh AK-74 qarýymen eskertý retinde bir ret aýaǵa atqan. Alaıda shekaradan zańsyz ótpek bolǵandar shekarashylardy taspen atýyn toqtatpaǵan. Sonyń nátıjesinde eki sarbaz basynan jaraqat alǵan. Osyǵan baılanysty, Ergesh 2 márte tas atýshylarǵa qarata oq atty. Onyń biri – zań buzýshylardyń basyna tıgen. Ol – E.D.Ámirtaev esimdi Jambyl oblysy Jambyl aýdany Jasórken aýylynyń turǵyny ekeni anyqtaldy.

Prokýratýra ókilderi bolǵan jaǵdaıdy tolyq tekserý úshin áskerı qyzmetkerler men shekaradan zańsyz ótpek bolǵandarǵa qatysty sotqa deıingi tekserý jumystary júrgizilip jatqanyn habarlady. Shekarashylarǵa qatysty zańsyz áreketke barǵandarǵa qatysty QR QK 380 baby 2 bólimi boıynsha is qozǵaldy. Qarý qoldanǵan shekara qyzmetkerlerine de QR QK 451 baby 2 pýnkti 1 bólimi boıynsha is qozǵaldy.