Bul týraly Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasynyń basshysy Serik Saǵynbaev málimdedi dep habarlaıdy Qamshy.kz aqparat agenttigi Mańǵystaý oblysy ákimdiginiń baspasóz qyzmetine silteme jasap.

Onyń aıtýynsha, Mańǵystaý oblysynyń ákimi Eraly Toǵjanovtyń tapsyrmasyna sáıkes, IýNESKO-nyń jahandyq geoparki mártebesin alý úshin Mańǵystaý oblysynyń aýmaǵyndaǵy tabıǵı jáne mádenı muralardy usyný jóninde jumys toby qurylyp jáne is-sharalar jospary jasaqtalǵan. 

Aıta ketý kerek, Mańǵystaýda qurylatyn geopark tek respýblıka kóleminde ǵana emes, sondaı-aq TMD kólemindegi alǵashqy geopark bolmaq.

Jyl sońyna deıin Mańǵystaý oblysynyń erekshe tabıǵı nysandaryn tolyq zerdelep, geopark quratyn jerdi anyqtaý maqsatynda jáne IýNESKO-nyń jahandyq geoparkine úmitkerlerge qoıylatyn talaptarǵa sáıkes ótinim daıyndalatyn bolady.

"IýNESKO-nyń  jahandyq geopark júıesine álemniń 35 elinen 127 geopark kiredi. Álemdik tájirıbege súıensek, jahandyq geopark júıesine kirgen terıtorıaǵa týrıstik jáne ekonomıkalyq qyzyǵýshylyqtyń artatyny anyq", – deıdi Serik Saǵynbaev.