Novosıbırsk oblysy Zańnamalyq keńesiniń birinshi vıse-spıkeri Andreı Panferov Kýpınsk aýdanyndaǵy "Sladkoe" kólin Qazaqstanǵa berý týraly aqparattyń jalǵan ekenin málimdedi dep habarlaıdy Qamshy.kz aqparat agenttigi.

Budan buryn Kýpınsk aýdanynyń ákimshiligi shekarany belgilegenge deıin "Sladkoe" kóliniń bir bóligi Reseıge tıesili bolǵanyn, al qazirgi ýaqytta tolyǵymen Qazaqstan aýmaǵyna tán ekenin habarlaǵan. Keıin Reseıdegi Qazaqstan elshisiniń baspasóz qyzmeti shekaranyń sol kúıi qalǵanyn jetkizgen.

«Kóldiń bir bóligi bizge tán. Shekara ózgergen joq. Memlekettiń bir aýmaǵyn ózge memleketke berip qoıýdy ózderińiz qalaı elestetesizder?», – dedi aýdandyq parlamenttiń birinshi vıse-spıkeri «Kommersant» gazetine bergen suhbatynda.

Al aýdan ákimshiliginiń basshysy Vladımır Shýbnıkov «kóldi berý» týraly aqparatty «erikkenderdiń shyǵaryp júrgeni» dep sanady.