Ońtústik Koreıanyń 10 myńǵa jýyq turǵyny sherýge shyqty. Jıylǵan jurt jergilikti bılikten Phenán men Vashıngton arasyndaǵy ahýaldy beıbit jolmen retteýdi talap etti dep habarlaıdy Qamshy.kz aqparat agenttigi sheteldik BAQ-qa silteme berip. Ońtústik Koreıa prezıdenti kórshi elmen dıplomatıalyq qarym-qatynasyn nyǵaıtyp, Koreı túbegindegi soǵysty boldyrmaý úshin qoldan kelgenniń bárin jasaıtynyn jetkizdi. Eske salsaq, shildede Soltústik Koreıa 2 ret balıstıkalyq zymyrandy synaqtan ótkizgen bolatyn. Memleket basshysy Kım Chen Yn bul AQSH-qa eskertý retinde jasalǵan áreket ekenin aıtty.

Al Donald Tramp resmı Phenánnyń qoqan-loqqysyna jaýap qaıtarýǵa ázir ekenin jetkizgen bolatyn. Osydan keıin birden Soltústik Koreıa áskerıleri AQSH-qa qarasty Gýam aralyn balıstıkalyq zymyranmen atqylaýǵa daıyn ekenin aıtyp, ses kórsetken. Óıtkeni munda amerıkalyqtardyń áskerı bazalary ornalasqan.