Afrıka qarqyndy damýshy jáne basqa memlekettermen dıplomatıalyq qatynasty nyǵaıtýǵa daıyn kontınent dep habarlaıdy Qamshy.kz aqparat agenttigi. Afrıka kontınenti damýdyń ınvestısıalyq ortalyǵy bolyp tabylady. Bul týraly EKSPO-2017 Halyqaralyq mamandandyrylǵan kórme aıasyndaǵy Afrıkanyń Ulttyq kúni barysynda Serra Leone Respýblıkasynyń Bas komısary Fılıpp Konte atap ótti. Óz sózinde Fılıpp Konte Afrıka materıginiń ekonomıkalyq ósiminiń ońdy serpini týraly baıandady jáne EKSPO-2017 kórmesi Qazaqstan men Afrıka elderi, sondaı-aq, kórmeniń basqa da qatysýshylary arasynda ózara tıimdi yntymaqtastyqqa jańa múmkindikter beretinine senimin bildirdi.

«Elimizdiń ekonomıkasy, óndiris jáne jekelegen saýda sektorlary qarqyndy damýda. 2016 jylǵy statısıka boıynsha JİÓ ósimi 2016 jyly 2,2%, al osy jyly 3,4% qurady, 2018 jyly kórsetkish 4,4% bolady. Memleketimiz ınvestorlarǵa ashyq jáne nátıjeli seriktestikke daıyn. EKSPO-2017 kórmesine qatysýymyz barlyq qatysýshy memlekettermen ózara tıimdi yntymaqtastyqtyń damýyna yqpal etedi», – dedi Fılıpp Konte.

Óz kezeginde EKSPO-2017 kórmesiniń komısary Rápil Joshybaev: "Qazaqstan Afrıka kontınenti elderimen qarym-qatynastardyń damýyna erekshe nazar aýdarady", – dep habarlady. Qazirgi kezde Qazaqstan Afrıkanyń 45 elderimen qarym-qatynas ornatty. Sondaı-aq, Rápil Joshybaev óz sózinde Afrıkanyń EKSPO-2017 kórmesine qatysýy – eki el arasyndaǵy ózara tıimdi yntymaqtastyqty damytýǵa serpin beretindigin atap ótti.

«Afrıka Plazasy – kelýshiler sany eń kóp kórme nysandarynyń biri. EKSPO-2017 kórme qonaqtarynyń atalǵan pavılonǵa qyzyǵýshylyǵy joǵary. Afrıka Plaza kórmege kelýshilerdi mádenı baǵdarlamasy men san túrli taǵamdarymen jáne eksponattarymen qyzyqtyrady. Afrıka elderiniń EKSPO-2017 kórmesine qatysýy Qazaqstan men Afrıka qarym-qatynastarynyń damýyna jáne ǵylymı-tehnıkalyq tájirıbe almasýyna jańa serpin beredi», – dep qorytyndylady Rápil Joshybaev.

Afrıka kontınentin EKSPO-2017 kórmesinde 25 el tanystyrady, olardyń ishinde 13 memleket Ulttyq kúnderin atap ótti.