Búgin Ortalyq komýnıkasıalar qyzmetinde Qaraǵandy jáne Atyraý qalalarynda ótkiziletin apattyq-qutqarý jattyǵýyna arnalǵan baspasóz konferensıa ótti. Jıyn barysynda bıyl tamyz aıynyń 21-25 aralyǵynda «KÁAQQ» RMK Qaraǵandy fılıalynyń oqý-jattyǵý polıgonynda taýken jáne kómir salasyndaǵy «İV etapty taýken-qutqarý boıynsha kópsaıysty jarys» ótetini belgili boldy. Jarysqa Shyǵys Qazaqstan, Pavlodar, Jambyl, Aqtóbe, Qostanaı, Qaraǵandy oblystarynyń qutqarýshylary kelip qatysady, dep habarlaıdy Qamshy.kz aqparat agenttigi.
Baspasóz konferensıaǵa qatysqan «KÁAQQ» SHJQ RMK Taý-ken jáne kómir salasynyń jedel aldyn alý jumystary jónindegi basqarma bastyǵy Sergeı Krysın, jarystyń ádil ótip, barlyq sharttarynyń saqtalatyndyǵyn aıtty. Saıys baǵdarlamasyna: shahtaǵa túsýge daıyndyq jáne gazdalǵan ortadan, bólinip shyqqan gazdalǵan qazba qozǵalsynan ketý is-sharalary kiretindigin atap ótti.
Elimizde apattyq-qutqarý qyzmetiniń kez-kelgen kúrdeli avarıany joıý jumystaryna táýligine ázirlikte 2800-den astam joǵary bilikti kásibı qutqarýshysy, 600 birlik avarıalyq-qutqarý tehnıkalary jáne 6700 birlik arnaıy jabdyqtary taǵaıyndalǵan.
QR IDM «Kásibı áskerılendirilgen avarıalyq-qutqarý qyzmeti» RMK bas dırektorynyń m.a. general-maıor Dıhanbek Satylǵanov:
- Oqý-jattyǵýdyń basty maqsaty jedel quramnyń avarıalyq-qutqarý operasıalarynyń ádisterin júrgizý jáne óńdeý tásilderi arqyly avarıalyq-qutqarý jumystaryn júrgizýde daıyndyq deńgeıin kóterý, tehnogendik sıpattaǵy iri aýqymdy avarıalardy joıý kezinde jedel toptardyń ózara is-áreketter jasaý, sondaı-aq qutqarýshylardyń jattyǵýlaryn daıyndaý, - dedi.
Spıkerler 2017 jylǵy 28-30 qyrkúıek aralyǵy Atyraý qalasynda munaı gaz jáne hımıa salasyndaǵy «Atqylama-2017» arnaıy-taktıkalyq aýmaqtyq jattyǵý» Atyraý fılıalynyń oqý-jattyǵý polıgonynda ótetinin málimdedi. Arnaıy-taktıkalyq aýmaqtyq jattyǵýyna Aqtóbe, Atyraý, Batys Qazaqstan, Mańǵystaý obylystarynan komandalar kelip qatysa alady.
