2017 jylǵy 16 tamyzda Qazaqstan Respýblıkasynyń Din isteri jáne azamattyq qoǵam vıse-mınıstri B. Arynnyń tóraǵalyǵymen Qazaqstan Respýblıkasy Úkimetiniń janyndaǵy Dinı birlestiktermen baılanys jónindegi keńestiń kezekti otyrysy ótkizildi dep habarlaıdy Qamshy.kz aqparat agenttigi QR Din isteri jáne azamattyq qoǵam mınıstrliginiń baspasóz qyzmetine silteme jasap.

Keńeske dinı birlestikterdiń, Qazaqstan halyq Assambleıasynyń, memlekettik organdar men úkimettik emes uıymdardyń ókilderi, sonymen qatar dintanýshy-ǵalymdar, qoǵam qaıratkerleri qatysty.

Kezdesý barysynda Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly, sondaı-aq destrýktıvti dinı aǵymdardy ustanýshylardy ońaltý jáne aldyn alý salasyndaǵy dinı birlestikterdiń qyzmetin jetildirý týraly máseleleri qaraldy.

Qazaqstan Respýblıkasy Din isteri jáne azamattyq qoǵam mınıstrligi Din isteri komıtetiniń qyzmetkerleri eldegi beıbitshilik pen kelisimdi saqtaý jáne nyǵaıtý úshin qazirgi qoǵam damýynyń aqıqatyn eskere otyryp din salasyndaǵy zańnamany odan ári jańǵyrtý mańyzdylyǵyn atap ótti.

Qazaqstan Musylmandary Dinı basqarmasynyń, Qazaqstannyń pravoslav shirkeýi, Qazaqstan halqy Assambleıasy ókilderi jáne sarapshylar jastarǵa rýhanı-adamgershilik bilim berýde dinı qaýymdastyqtar rólin atap ótti, sondaı-aq halyqqa aqparattyq-túsindirý jumystarynyń tıimdiligin joǵarylatý boıynsha jáne dinı ekstremızm men radıkalızmniń aldyn alýda úkimettik emes uıymdardyń áleýetin paıdalaný boıynsha birqatar usynystar aıtty.

İs-shara qorytyndysy boıynsha Keńes músheleri kóterilgen máseleler týraly memleket pen din arasyndaǵy qarym-qatynastardyń júıesin jetildirýge, sondaı-aq destrýktıvti dinı aǵymdardyń izbasarlary aldyn alýǵa jáne ońaltýǵa baǵyttalǵan usynystar jasady.