Sırıanyń Manbıdj atty qalasynda «Sırıa demokratıalyq kúshiniń» arabıalyqtar men kúrdter toby DAISH terrorısterinen bostandyqqa shyqqandaryn atap ótti, dep habarlaıdy Qamshy.kz  aqparat agenttigi DW saıtyna silteme jasap.

Sırıadaǵy Manbıdj qalasynyń myńdaǵan turǵyndary 13 tamyz kúni ózderiniń úılerine oraldy. «Sırıalyq demokratıalyq kúshter» toby AQSH-tyń qoldaýymen áreket etken.

Sońǵy eki  aıda sodyrlardan bas saýǵalap júrgen Manbıdj qalasynyń turǵyndaryna kóptegen avtokólikter men ózge de transporttar ákelindi.

«Dúkender qaıtadan ashylyp, jumys isteı bastady. Búgin qaladaǵy qalypty ómirdiń alǵashqy kúni», - dep málimdedi «Sırıalyq demokratıalyq kúshtiń» ókili Shervan Darvısh.

Fotolarda kórinip turǵandaı, olar saqaldaryn alyp, parandjalaryn sheship tastap, órtep jibergen, ózderiniń bostandyqtaryn osylaı toılatqan.

Sodyrlardyń qolynda bolǵan 2000 tutqynnyń birshamasy bosatylyp, keıbireýleri qashyp ketken.

Alaıda, Manbıdjada bostandyqqa qoly jetken turǵyndardyń naqty sany áli belgisiz.

12 tamyz kúni Túrkıamen shekaralas jatqan qala tolyǵymen «Sırıa demokratıalyq kúshteriniń» qolyna ótip, Manbıdjadan terrorıster tolyǵymen qýylǵan bolatyn.

Bul qalany bosatý úshin eki aı boıy kúres júrgizilgen.

DAISH terrorıster toby úshin Manbıdja qalasy Rakka azyq-túlik jetkizý úshin mańyzdy ortalyq bolǵan. Rakka – terrorıster tobynyń astanasy bolyp tabylady.