Búgin Úkimet úıinde QR Premer-mınıstri Baqytjan Saǵyntaevtyń tóraǵalyǵymen QR Úkimeti janyndaǵy Joǵary ǵylymı-tehnıkalyq komısıanyń (JǴTK) kezekti otyrysy ótti. Bul týraly Qamshy.kz aqparat agenttigi Premer-mınıstrdiń baspasóz qyzmetine silteme jasap habarlaıdy.

Otyrys barysynda qazirgi kezdegi ǵylymdy damytýdyń basymdyqty baǵyttary, sondaı-aq ǵylymdy odan ári qarjylandyrý máseleleri men elimizde farmasevtıkalyq klasterdi damytý maqsatynda ázirlengen QR BǴM-niń «2018-2020 jyldarǵa arnalǵan biregeı dári-dármekterdi ázirleý men olardy zertteý nátıjelerin komersıalandyrý» baǵdarlamasynyń ǵylymı-tehnıkalyq jobasy talqylandy.  

Eske sala keteıik, Úkimet janyndaǵy Joǵary ǵylymı-tehnıkalyq komısıa QR Úkimetiniń qaýlysymen 2011 jylǵy 20 sáýirde qurylǵan jáne ol – QR Úkimeti janyndaǵy konsýltatıvtik-keńesshi organ. JǴTK otyrystary qajettiligine baılanysty jylyna kem degende eki ret ótkiziledi.