Amerıkandyq "Indıanapolıs" aýyr kreıserdiń synyqtary 72 jyl ótkennen keıin tabyldy dep habarlaıdy Qamshy.kz aqparat agenttigi BBC-ge silteme jasap. Keme 5,5 shaqyrym tereńdikte tabyldy. Naqty jeri aıtylmaı otyr.

«Indıanapolıs» 1945 jyly 30 shildede atom bombasy boıynsha qupıa qyzmetti atqaryp kele jatqan jolda apatqa ushyrady. Ol keıinnen Hırosımaǵa tastalǵan. Kemede 1200 áskerı bolǵan. 316 adamdy qutqaryp úlgergen. Bul amerıkandyq áskerı flot tarıhyndaǵy eń úlken apat boldy. Keme 12 mınýttyń ishinde tuńǵıyqqa túsip úlgergen. Sondyqtan uzaq ýaqyt kemeniń qaıda ekenin tabý qıyndyq týdyrǵan. 300 adam kememen batyp ketken, qalǵandary shól, galúsınasıa men akýlanyń shabýylynan kóz jumdy. Amerıkandyq áskerı bazasyna kemeniń apatqa ushyraǵany týraly aqparat jetpegendikten tiri qalǵandardy tek tórt kúnnen keıin ǵana tapqan.