Jyl basynan bergi aq jaǵaly laýazymdylardyń 8-i ala jipti attap, arysy abaqty assa, berisi «qabaqty» baǵyp, úı qamaqta otyr. «Bılik basyna barǵan basshylardyń barǵandaǵy «basty» maqsatary osy ma?» degen de oıǵa keldik.

Keshe OQO prokýratýrasy aǵa prokýror Qulbaevty para alýdan bas tartqany úshin qarjylaı syıaqymen marapattapty. Bul týraly OQO-nyń prokýratýra baspasózi habarlaıdy. Arnaıy prokýrorlar basqarmasynyń bastyǵy Kulbaev myrza ózine belgisiz bir kisniń telefon arqyly habarlasqanyn aıtyp, ózine qatysty qylmystyq istiń ońtaıly sheshimin tabýǵa septigin tıgizýin suraǵan. Osy jaımen Qulbaev prakýratýraǵa aryz túsirgen. Atalmysh azamatty prokýror kabınetinde 10, 000 AQSH dollar kóleminde para bermek sátinde quryqtaǵan. Oqıǵa barysynda qylmystyq is qozǵaldy. Onkologıalyq aýrýhananyń jóndeý jumystaryna bólingen qarjyny qymqyrǵany úshin degen aıyppen is sotqa jóneltilip otyr. OQO prokýratýrasy aǵa prokýror Qulbaevqa óziniń qyzmetine adaldyq tanytyp, azamattyq pozısıasyn saqtap qalǵandyǵy úshin alǵystaryn aqshalaı bildiripti. Bylyqqa batý «ádetke» aınalyp ketken tusta Qulbaevtyń erligi eldi eleń etkizeri anyq.

Orynbasar Baqytbek