Atyraý oblysy İİD uıymdasqan qylmysqa qarsy agenttigi jalǵan páterler satyp alaıaqtyqpen aınalysqan 35 jastaǵy jigitti qolǵa túsirdi. Bul týraly Aq jaıyq İİD silteme jasaı otyryp Qamshy.kz habarlaıdy.

Bul jigit Atyraý qalasynan birneshe sáýletti turǵyn úılerdi jalǵa alyp, satylymǵa shyǵaratyny jóninde jarnamalar bergen. Turǵyn úılerdiń banktegi nesıesin óteı almaǵandardan tartyp alynǵan páterler ekenin aıtyp aldaǵan. Úı qaǵazdaryn suraǵandarǵa, barlyq qujattardyń Almatydaǵy ofıste jatqandyǵyn aıtyp, satyp alý úshin aldyn ala tólem jasaýyn suraǵan.

Osy sózge ılanǵan satyp alýshylar asa iri kólemdegi qarajattaryn alǵashqy tólem retinde bergen. Jigit alaıaqtyǵynyń saldarynan turǵyndar 200, 000, 000 teńgege shyǵynǵa batyp otyr. Ustalǵan jigit aqshany Býkmekerlik oıyndardan utqyzyp jibergendigi jaıynda málimdegen.

Qúdiktiniń ústinen QR Qylmystyq Kodeksiniń 177 tarmaǵy(alaıaqtyq) boıynsha qylmystyq is qozǵalyp otyr.

Orynbek B.