«Almaty» shekara baqylaýy bólimshesiniń jasaǵy «Tegeran - Almaty» baǵytyndaǵy reısten Sırıa Arab Respýblıkasynyń alty azamatyn ustady dep habarlaıdy Qamshy.kz aqparat agenttigi QR Ulttyq qaýipsizdik komıtetiniń baspasóz qyzmetine silteme jasaı otyryp.
Olar tekserýge Bolgarıa Respýblıkasy azamattarynyń tólqujattaryn usynǵan.
Alty azamat Qazaqstan Respýblıkasynyń aýmaǵyn Eýroodaq elderine shyǵý maqsatynda tranzıt retinde paıdalanbaqshy bolǵan. Ustalǵandar týraly quqyq qorǵaý organdary men ózara áreket etýshi organdar ókilderine habarlandy.
Eske sala keteıik, keshe «Astana» shekara baqylaýy bólimshesiniń qyzmetkerleri Astana-London reısinde tekserýge Bolgarıa azamatynyń qujatyn tapsyrǵan sırıalyq eki azamatty anyqtady.
