Búgin 22 tamyzda saǵat 15.00 Trıatlon parkinde Shanhaı yntymaqtastyq uıymy men Azıadaǵy ózara yqpaldastyq jáne senim sharalary jónindegi keńestiń Halyqaralyq Astana marafonyna arnalǵan fleshmob ótti dep habarlaıdy Qamshy.kz aqparat agenttigi.
Fleshmobty QR Mádenıet jáne sport mınıstri Arystanbek Muhamedıýly bastady. Otandyq sport juldyzdary Baqtıar Artaev, Danıar Eleýsinov jáne taǵy basqa tanymal sportshylar fleshmobtyń kórkin qyzdyrdy. Qatysýshylar belgilengen mejeni júgirip ótip, 27 tamyzda ótetin jeńil atletıkalyq marafon týraly oılarymen bólisti.
QR Mádenıet jáne sport mınıstri Arystanbek Muhamedıulynyń aıtýynsha, atalǵan marafon EKSPO-2017 halyqaralyq kórmesi aıasynda ótkiziletin eń aýqymdy sharalardyń biri bolǵaly tur. Marfonshylar elordanyń kórikti jerlerinen júgirip ótý arqyly, Astanamyzdy álem jurtshylyǵyna pash etpek. Árıne basty maqsat – el arasynda senimdi, dıplomatıalyq qarym-qatynasty, dostyqty nyǵaıta túsý bolyp otyr.
25-26 tamyzda EKSPO-nyń ońtústik shyǵysynda starttyq sómkelederdi tabystaý rásimi uıymdastyrylady. Olardy marafonǵa onlaın jáne offlaın tirkelgender ala alady. Sómkede fýtbolka, nómir men qatysýshyǵa jadynama salynǵan. Budan basqa, sharada tanymal marafonshylar sheberlik klasstaryn uıymdastyrady.
Esterińizge salaıyq, «EKSPO-2017» aıasynda ótetin SHYU men AÓSSHK halyqaralyq marafony 2017 jyldyń 27 tamyzynda tańǵy saǵat 07:30-da ótedi. Marafonnyń marshrýty Astananyń sol jaǵalaýyndaǵy basty kóshelerdi qamtıdy. Sporttyq sharaǵa SHYU múshe árbir memleketten jalpy 50 kásibı sportshyny tartý kózdelgen. Olar, úsh túrli qashyqtyqta baqtaryn synaıdy: 42 km 195 m, 10 km, jáne 2017 metr. Shetelden keletin qatysýshylar sany 1000 adamdy qurap otyr. Qazaqstandyq taraptan 4000 adam qatysady dep kútilýde. Marafonǵa qatysýshylardyń jalpy sany 5000 adam. Marafonǵa onlaın tirkelý ústimizdegi jyldyń 15-shi shildesinde bastaldy.
